რობერტ ბლეიკი

რობერტ პირპონტ ბლეიკი (ინგლ. Robert Pierpont Blake; დ. 1 გერგობათუთა, 1886, სან-ფრანცისკო, ააშ — ღ. 9 მესი, 1950, კემბრიჯი, მასაჩუსეტსი, ააშ) — ამერიკალი ქართველოლოგი დო ორიენტალისტი.

რობერტ ბლეიკი
ინგლ. Robert Pierpont Blake
დაბადებაშ თარიღი:	1 გერგობათუთა, 1886
დაბადებაშ აბანი:	სან-ფრანცისკო, ააშ
ღურაშ თარიღი:	მესი 9, 1950 (63 წანერი)
ღურაშ აბანი:	კემბრიჯი, მასაჩუსეტსი, ააშ
მენოღალობა:	ააშ
ომენცარე სფერო:	ქართველოლოგია, ბჟაეიოლმარჩქინჯალა
სამუშაშ აბანი :	ქართიშ სახენწჷფო უნივერსიტეტი ჰარვარდიშ უნივერსიტეტი
ალმა-მატერი:	სანქტ-პეტერბურგიშ სახენწჷფო უნივერსიტეტი
ომენცარე ხემანჯღვერი:	ნიკო მარი

ბიოგრაფია

რობერტ პირპონტ ბლეიკიქ დებადჷ 1886 წანაშ 1 გერგობათუთას, სან-ფრანცისკოს. გურაფულენდჷ სანქტ-პეტერბურგიშ სახენწჷფო უნივერსიტეტის (ნიკო მარიშ ხემანჯღვერობათ), სოდეთ დეინტერესჷ ქართველოლოგიათ, ბიზანტიოლოგიათ დო არმენოლოგიათ. 1918 წანას ბლეიკიქ საქორთუოშა მიდართჷ დო მუშობა ქიდიჭყჷ ქართიშ სახენწჷფო უნივერსიტეტის. ქართიშ სახენწჷფო უნივერსიტეტის ბლეიკიქ გინირთჷ პროფესორო დო ოგურუანდჷ ბერძენულ ნინას დო ბიზანტიაშ ისტორიას. რობერტ ბლეიკიქ გიმირკვიუ ჯვეში ქორთული მანუსკრიპტეფი, ბიბლიური დო ჰაგიოგრაფიული ტექსტეფი. ბლეიკი 1921 წანას მონაწილენდჷ რუსეთ-საქორთუოშ ლჷმას. საქორთუოშ ოკუპაციაშ უკულ, 1921 წანას, ბლეიკიქ ამერიკაშა დირთჷ დო მუშობა ქიდიჭყჷ ჰარვარდიშ უნივერსიტეტიშ პროფესორო. რდჷ ჰარვარდიშ უნივერსიტეტიშ ბიბლიოთეკაშ დირექტორი. ბლეიკიქ მიშეღჷ დიდი თია ბიზანტიოლოგიაშ გოვითარაფაშა, ამერიკას. რობერტ ბლეიკიქ ღურუ 1950 წანაშ 9 მესის, მასაჩუსეტსიშ ნოღა კემბრიჯის.

ლიტერატურა

• Elisseeff, Serge. Robert Pierpont Blake (1886-1950). Harvard Journal of Asiatic Studies, Vol. 14, No. 1/2 (Jun., 1951), pp. vii-xiii.