რობერტ პატინსონი

რობერტ ტომას პეტინსონი (ინგლ. Robert Thomas Pattinson; დ. 13 მესი, 1986) — ინგლისარი არტისტი, მოდელი დო მუსიკოსი. თიქ ილაჸაფჷ ედვარდ კალენიშ როლი „ბინდიშ საგას“, ნამუთ დორსხუაფილი რე სტეფანი მეიერიშ ათე ჯოხონობაშ რომანს, ხოლო - სედრიკ დიგორი ჰარი პოტერიშ გეშა ჟირ ფილმის.

რობერტ პატინსონი
პატინსონი 2012 წანას
დაბადებაშ ჯოხო	რობერტ დაგლას ტომას პატინსონი
დაბადებაშ აბანი	ლონდონი, ინგლისი
დებადჷ	13 მესი, 1986 (1986-05-13)
საქვარუა	არტისტი, მუსიკოსი, მოდელი, პროდიუსერი
აკოქიმინჯალაშ წანეფი	2004–ასეშა

რობერტ პეტინსონი „ბინდიშ“ პრემიერას ლოს–ანჯელესის

ბიოგრაფია

პეტინსონქ დებადჷ ლონდონს, ინგლისის. თინაქ ჩერთჷ ომოჸოროფე თეატრიშ საქვარს „ბარნეშ თეატრალური კომპანიაშ“ მოხვარათ. კულისეფს მელე ომუშებელეფიშ უკული თიქ მიღჷ ოარტისტე როლეფი. ათეში უკული თინა ლაჸაფენდჷ „მაკბეტიშ“ ომოჸოროფე ვერსიას „Old Sorting Office Arts Centre“-ს, ხოლო ცადჷ ბედი მოდელო.

პატინსონქ მიღჷ მაჟირახარისხამი როლეფი ტელეფილმის „ნიბელუნგეფიშ მარწკინდი“ (2004) დო რეჟისორ მირა ნაირიშ ფილმის „პოტიკიშ ბაზარი“ (2004), სოდეთ თიში სცენეფი ეშაჭკირეს დო ხვალე DVD ვერსიას გუმორჩქინდჷ. 2005 წანაშ მესის ოკო კათაფუდუკო „წოხოლენი ოსურიშ“ ინგლისურ ოპრემიერე ძირაფას Royal Court Theatre-ს, მარა გონწყუმაშ სერს დეთხინეს დო გოთირუ არტისტიქ ტომ რილეიქ. თი წანას, გვიანო თიქ გასახიერჷ სედრიკ დიგორი ფილმის „ჰარი პოტერი დო დაჩხერამი ნარგისი“ დო ათეში უკული თიქ იჸუ დასახელებურქ, მუჭოთ ამათე წანაშ „მუმალიშ ბრიტანალი მირიცხი“ „Times Online-იშ“ გეშა. ხოლო თიშე ბრელშა იჩიებუდეს, ნამდა თინა იჸიდჷ ანწიანი ჯუდ ლოუ.

პეტინსონქ გუმორჩქინდჷ „Hackett-იშ“ 2007 წანაშ კოლექციაშ ორეკლამე კამპანიას. თინა ლაჸაფენს ედვარდ კალენს ფილმის „ბინდი“, ნამუთ დორსხუაფილი რე სტეფანი მეიერიშ ათე ჯოხონობაშ საუჯგუშოთ გიმოჩამილი რომანს და ნამუთ 2008 წანაშ 21 გერგობათუთას გიშართჷ ოორუე ამერიკას.

პატინსონს უღუ თარი როლეფი ფილმეფს: „ხიჭუ-მაჭუ ნოსქილადუეფი“, სოდეთ თინა სალვადორ დალიშ ლაჸაფენს დო „მუჭო იარსებე“ - ბრიტანული კომედია.

ფილმოგრაფია

წანა		მარგალურო	ოდაბადური ჯოხოდვალა	როლი
2004	ფ	პოტიკიშ ბაზარი	Vanity Fair	როდი კრავლი
2005	ფ	ჰარი პოტერი დო დაჩხერამი ნარგისი	Harry Potter and the Goblet of Fire	სედრიკ დიგორი
2007	ფ	ჰარი პოტერი დო ფენიქსიშ ორდენი	Harry Potter and the Order of the Phoenix	სედრიკ დიგორი
2008	ფ	მუჭო რდე	How to Be	არტი
2008	ფ	ბინდი	Twilight	ედვარდ კალენი
2009	ფ	ხიჭუ-მაჭუ ნოსქილადუეფი	Little Ashes	სალვადორ დალი
2009	ფ	ბინდიშ საგა: ახალი თუთა	The Twilight Saga: New Moon	ედვარდ კალენი
2010	ფ	რშუდა	Remember Me	ტაილერი
2010	ფ	ბინდიშ საგა: აკორუმუა	The Twilight Saga: Eclipse	ედვარდ კალენი
2011	ფ	ბინდიშ საგა: მურუჟუ - ნორთი 1	The Twilight Saga: Breaking Dawn – Part 1	ედვარდ კალენი
2012	ფ	ფშვენიერი მაჸალე	Bel Ami	ჟორჟე დუროი
2012	ფ	ბინდიშ საგა: მურუჟი - ნორთი 2	The Twilight Saga: Breaking Dawn – Part 2	ედვარდ კალენი
2012	ფ	კოსმოპოლისი	Cosmopolis	ერიკ პაკერი
2014	ფ	გაგია	The Rover	რეინოლდსი
2014	ფ	მურიცხეფიშ რუკა	Maps to the Stars	ჯერომ ფონტანა
2015	ფ	ტიოზიშ დიდაფალი	Queen of the Desert	ტ. ე ლორენსი

რესურსეფი ინტერნეტის

ვიკიოწკარუეს^? რე ხასჷლა თემაშენ:

რობერტ პატინსონი

• რობერტ პატინსონი — კინოფილმეფიშ ინტერნეტ მუნაჩემეფიშ ბაზას (ინგლისური)