რობერტ ჰაინლაინი
რობერტ ენსონ ჰაინლაინი (ინგლ. Robert Anson Heinlein; დ. 7 კვირკვე, 1907, ბატლერი, მისური, ააშ — ღ. 8 მესი, 1988, კარმელ-ბაი-თე-სი, კალიფორნია, ააშ) — ამერიკალი ჭარუ, ნოველისტი, ესსეისტი, სცენარისტი, კოსმონავტიკაშ ინჟინერი დო ოზუღე ოფიცერი, ომენცარე ფანტასტიკაშ ჟანრიშ ართ-ართი უდიდაში წჷმმარინაფალი, შინელი რდჷ მუჭოთ "ომენცარე ფანტასტიკაშ ჟანრიშ ავტორეფიშ დეკანი".
| რობერტ ჰაინლაინი | |
 ჰაინლაინი 1976 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 8, 1988 (80 წანერი) |
| ღურაშ აბანი: |
კარმელ-ბაი-თე-სი, კალიფორნია, ააშ |
| ერუანობა: | |
| საქვარუა: | |
| პერიოდი : |
1939-1987 |
| Magnum opus: |
|
| ჟანრი: | |
| ნინა: | |
| ჯილდოეფი: |
ჰიუგოშ პრემია (ოთხიშა) |
|
| |
რობერტ ჰაინლაინის დიდ პოპულარობა მოუღჷ რომანეფქ: "ურცხო ურცხო ქიანას", "თუთა გლახა მენძელი რე", "მურიცხული დესანტი", "დასაბაღი ბორჯი ჸოროფაშო", "კოჩი, ნამუქჷთ თუთა გჷმოჩუ", "ჰორიზონტიშ მელე", "ფრაიდი". ჰაინლაინიშ წინგეფქ ბესტსელერეფო გინირთჷ. თიშ ომენცარე-ფანტასტიკური ნაწარმებეფიშ თარი თემეფიე: მენცარობაშ პროგრესი, კოსმოსური შარალუაშ შანულობა ადამიერიშო, ინდივიდუალური ზოხორინელობა, სექსუალური ურთიართობეფი, ორგანიზებული რელიგიაშ გოლინა კულტურაშო, თარობაშო, მილიტარიზმი დო შხვა.
ჰაინლაინიქ ინგლისურ ნინაშა მიშეღჷ ტერმინეფი: გროკი, ვოლდო, სპეკულატივური ლიტერატურა. ჰაინლაინი რდჷ შხვადოშხვა პრემიეფიშ დო ჯილდოეფიშ ლაურეატი. ოთხიშა მიპალუ ჰიუგოშ პრემია, შკვითიშა რეტრო-ჰიუგოშ პრემია, ჟირშა ფანტასტიკაშ გროსმეისტერიშ ტიტული, შკვითიშა პრომეთეშ ჯილდო. 1998 წანას მიშეჸონეს ომენცარე ფანტასტიკაშ დო ფენტეზიშ დიდობაშ დარბაზიშა. ბრელშა რდჷ ნომინირაფილი ნებულაშ პრემიაშა.
ჰაინლაინი რე ავტორი 32 რომანიშ, 59 კუნტა თხობელუაშ დო 16 კათელიშ. ჰაინლაინიშ ნაჭარეფიშ სიუჟეტეფს რე გერსხილი ჩხორო კინო-ფილმი, ჟირი სერიალი, რადიოშ სერიული ეპიზოდეფი დო შხვა. ჰაინლაინს, ართურ ჩარლზ კლარკი დო აიზეკ აზიმოვიწკჷმა ართო მიშინუანა მუჭოთ ომენცარე ფანტასტიკაშ "დიდი სუმი"-ს (The "Big Three").
ქოძირით თაშნეშე
რედაქტირაფარესურსეფი ინტერნეტის
რედაქტირაფა- რობერტ ჰაინლაინიშ ჯარალუა
- ჰაინლაინიშ არქივეფი
- რობერტ დო ვირჯინია ჰაინლაინეფიშ პრემია
- ჰაინლაინიშ ბიოგრაფია დო ბიბლიოგრაფია
- რობერტ ჰაინლაინი — კინოფილმეფიშ ინტერნეტ მუნაჩემეფიშ ბაზას (ინგლისური)
- რობერტ ჰაინლაინი ენციკლოპედია ბრიტანიკას
- ჰაინლაინიშ ნაწარმებეფი Open Library-ის
- ჰაინლაინიშ ნაწარმებეფიშ ერკებული
- რობერტ ჰაინლაინიშ პრემია