როკფელერიშ უნივერსიტეტი
როკფელერიშ უნივერსიტეტი (ინგლ. Rockefeller University) რე კერძო უნივერსიტეტი ააშს, ნიუ-იორკის. უნივერსიტეტი დარსხუ ამერიკალ ბიზნეს-მაგნატიქ დო ფილანთროპიქ, ჯონ როკფელერიქ. როკფელერიშ უნივერსიტეტი რდჷ ამერიკაშ მაართა ბიომედიცინური ინსტიტუტი. ინსტიტუტიშ მაართა დირექტორი რდჷ გიშარჩქინელი ამერიკალი ექიმი დო მენცარი საიმონ ფლექსნერი. ფლექსნერი 1935 წანას დოთირუ ჰერბერტ გასერქ. როკფელერიშ უნივერსიტეტი ადმინისტრირენს ომაგისტრე დო ოდოქტორე პროგრამეფს. უნივერსიტეტიშ ჸათე პროგრამეფი ორხველჷ მედიცინაშ დო ბიოლოგიაშ მენცარობეფს. უნივერსიტეტი უმოსო მენცარული რკვიებეფიშ ცენტრი რე დო თინა კლასიფიცირებული რე მუჭოთ R2 - ოდოქტორე უნივერსიტეტი დო რკვიებეფიშ უმაღალაში აქტივიზმიშ უნივერსიტეტი. როკფელერიშ უნივერსიტეტი რე ამერიკაშ უჯვეშაში ბიომედიცინური ინსტიტუტი. უნივერსიტეტიშ კურსნათებუეფი რდეს გიშარჩქინელი მენცარეფი, ექიმეფი, ნობელიშ დო შხვა პრესტიჟული პრემიეფიშ ლაურეატეფი. უნივერსიტეტის 2020 წანაშ მუნაჩემეფით ჸუნს მაგისტრატურაშ დო დოქტორანტურაშ 232 სტუდენტი. უნივერსიტეტი იდვალუაფჷ ნიუ-იორკის, მანჰეტენს, ჟინ ისტ-საიდის. როკფელერიშ უნივერსიტეტი გიშმაშქვანს ექსპერიმენტალური მედიცინაშ, ციტოლოგიაშ დო ფიზიოლოგიაშ მენცარულ ჟურნალეფს.
| როკფელერიშ უნივერსიტეტი ინგლ. Rockefeller University | |
| |
| დევიზი | Scientia pro bono humani generis (ლათ.) |
|---|---|
| დირსხუ | 1901 |
| ტიპი | კერძო |
| ფონდეფი | $ 2.32 მლრდ. (2020) |
| წორომახანდე | 79 |
| პრეზიდენტი | რიჩარდ ლიფტონი |
| ორენი |  Upper East Side, მანჰეტენი, ნიუ-იორკი, ააშ
|
| კამპუსი | ურბანული |
| საიტი | rockefeller.edu |