საიმონ ფლექსნერი
საიმონ ფლექსნერი (ინგლ. Simon Flexner; დ. 25 მელახი, 1863, ლუიზვილი, კენტუკი, ააშ — ღ. 2 მესი, 1946, ნიუ-იორკი, ააშ) — ამერიკალი მენცარი, ექიმი დო პათოლოგი. გიმირკვიუ პოლიომიელიტი დო დიდი თია მიშეღჷ მენინგიტიშ შრატით კურნალობაშ გოვითარაფაშა. რდჷ ლონდონიშ ომაფე ჯარალუაშ მაკათური.
| საიმონ ფლექსნერი | |
| ინგლ. Simon Flexner | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 2, 1946 (83 წანერი) |
| ღურაშ აბანი: |
ნიუ-იორკი, ააშ |
| მენოღალობა: | |
| ომენცარე სფერო: | |
| სამუშაშ აბანი : |
ჯონს ჰოპკინსიშ უნივერსიტეტი |
| ალმა-მატერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
კამერონიშ პრემია (1911) |
ბიოგრაფია რედაქტირაფა
საიმონ ფლექსნერიქ დებადჷ 1863 წანაშ 25 მელახის, კენტუკიშ ნოღა ლუიზვილის. გურაფულენდჷ ლუიზვილიშ ფარმაციაშ კოლეჯის. უკულ გურაფა გაგინძორჷ დიო ლუიზვილიშ მედიცინაშ კოლეჯის დო უკულ ჯონ ჰოპკინსიშ უნივერსიტეტიშ მედიცინაშ სკოლას. გურაფაშ თებაშ უკულ ფლექსნერიქ მუშობა ქიდიჭყჷ პენსილვანიაშ უნივერსიტეტის, სოდეთ რდჷ პათოლოგიაშ პროფესორი. 1901 წანას ფლექსნერიქ გინირთჷ ამერიკაშ ფილოსოფიური ჯარალუაშ მაკათურო. 1901 წანას ფლექსნერიქ ომუშებუშა გეგნორთჷ მედიცინაშ რკვიებაშ როკფელერიშ ინსტიტუტიშა (ასეიან როკფელერიშ უნივერსიტეტი). რდჷ ინსტიტუტიშ მაართა დირექტორი. რკვიებეფიშ ინსტიტუტის იმუშუ 1935 წანაშა. 1907 წანაშ ქირსეთუთას, ფლექსნერიქ გჷმაბჟინუ მენცარული სტატია პათოლოგიაშ ტენდენციეფი, სოდეთ ფლექსნერი ეთმოჭარუნს მუშ აზრეფს ორგანოეფიშ ტრანსპლანტაციაშ გეშა. 1911 წანას ედინბურგიშ უნივერსიტეტიქ ფლექსნერის გინოჩჷ კამერონიშ პრემია. საიმონ ფლექსნერიქ ღურუ 1946 წანაშ 2 მესის, 83 წანერქ, გურიშ ლახარათ. საიმონ ფლექსნერიშ სკუა რდჷ გიშარჩქინელი ამერიკალი ისტორიკოსი, ჯორჯ ვაშინგტონიშ ოთხ ტომიანი ბიოგრაფიაშ ავტორი ჯეიმს ტომას ფლექსნერი.
ქოძირით თაშნეშე რედაქტირაფა
- აბრაამ ფლექსნერი (1866–1959)
- ჯეიმს ტომას ფლექსნერი (1908–2003)
ლიტერატურა რედაქტირაფა
- David M. Oshinsky: Polio: An American Story. Oxford University Press, USA, 2005, ISBN 0-19-530714-3.