რჯება — ელმოლი სიტუაციაშა ორგანიზმიშ სვენერი რეაქციეფიშ სისტემა. რჯებაშ ანალიზიშე გიშმართჷნა რჯებაშ სუბიექტის (ნამუსჷთ გოთანჯილი ორგანიზაცია უღუ), რჯებაშ ობიექტის (ნამუშათ რე მეწურაფილი რჯება), რჯებაშ გორკვიაფილი პროგრამას დო თიშ რსულაფაშ ეფექტურალაშ ფასებაშ მექანიზმის. ორგანიზაციაშ ტიპიშ მეჯინათ გიშმართჷნა რჯებაშ ბიოლოგიურ, ფსიქოლოგიურ დო სოციალურ დონეეფს.

რჯებაშ მენცარული დოგურაფაქ XIX ოშწანურას დიჭყჷ. დუდმაართაშე გოგურაფაშ ობიექტი რდჷ ჩხოლარეფიშ რჯება, თარო გჷთმოსხუნუნდეს ინდივიდიშ დო ელმოლიშ ურთიართგოლინაშ მექანიზმის. თე მექანიზმის ეთმენწყუნდეს კლასიკური რეფლექტორული თეორიაშ ოსხირშა. თეჯგურა მერინაქ შილებუამო გჷართინუ რჯებაშ ფიზიოლოგიური ოსხირეფიშ დო თიში რეგულაციაშ პრინციპეფიშ დოდგინა. რჯებაშ უმოსი ფართო ბიოლოგიური დოგურაფა მერსხილი რე ეთოლოგია დო თიწკჷმა არხოს გემარენჯი დისციპლინეფიშ — ზოოფსიქოლოგიაშ დო რჯებაშ გენეტიკაშ გოვითარაფაწკჷმა. ეთოლოგეფქ ჸოფურო გოსხუნეს რჯებაშ ჟირი თარი კომპონენტი — მონძალათ მეღებული ელაზჷმაფათ ჸონიერი სტრუქტურეფი დო თიშა გერსხილი რჯებაშ ფუნქციური სქემეფი (გჷმოცადაფაშ ახალი სიტუაციაშოთ ექსტრაპოლაციაშ ნიჭი).

ფსიქოლოგიაშს რჯება ართ-სრთი თარი კატეგორია რე. ბიჰევიორიზმიქფსიქიკაშ დოგურაფა რჯებაშ დოგურაფაშახ ქჷდიჸონჷ. ფსიქოლოგიას უთარაშო გჷთმოსხჷნუნა რჯებაშ მაკორინაფალ წყუს, ღანკიშ დო მოტივიშ პრობლემას. თინეფიშ მუშობურობეფიშ მეჯინათ გინორთელო ისხუნუაფჷ ჩხოლარეფიშ დო ადამიერიშ რჯება.

თაშნეშე ქოძირით რედაქტირაფა

ლიტერატურა რედაქტირაფა

  • ბაკურაძე ა., ქვარცხავა რ., ქორთული სხუნუეფიშ ენციკლოპედია, ტ. 10, ხს. 579, ქართი, 1986 წანა.
  • უზნაძე დ., ადამიანის ქცევის ფორმები, შრომები, ტ. 5 თბ., 1967;
  • Миллер Дж., Галантер Е., Прибрам К., Планы и структура поведения, пер. с англ., М., 1965;
  • Тинберген Н., Поведение животных, пер. с англ., М., 1969;
  • Marler P. R. and Hamilton W. J., Mechanisms of animal behavior, N. Y., 1968;
  • Tembrock G., Grundriss der Verhaltenswissenschaften, Jena, 1968.