საად ჰარირი
საად ჰარირი (არაბ. سعد الدين رفيق حريري დ. 18 პირელი, 1970, ერ-რიადი, საუდიშ არაბეთი) — ლიბანიშ სახენწჷფო დო პოლიტიკური მოღალე, ლიბანარი მილიარდელი, პრემიერ-მინისტრი 2009-2011 წანეფს დო 2016-2020 წანეფს. ლიბანიშ ჸვილირი პრემიერ-მინისტრიშ რაფიკ ჰარირიშ ქომოლსქუა რე. მუმაშ ჸვილუაშ უკული, მუმამუშიშ დჷნარსხუეფი პოლიტიკურ პარტიაშ ყარაფი მუმალშოშ მადუდეთ გჷნირთჷ დო თაშნეშე 14 მელახიშ ყარაფიშ ლიდერო. მუსხირენი წანას ხურგეფსგალე რდჷ, 2014 წანაშ 8 მარაშინათუთას დირთჷ ლიბანშა დო უკვე 3 გერგობათუთას ქჷდარინეს პრემიერ-მინისტრო (2020 წანაშ 21 ღურთუთაშახ).
| საად ჰარირი არაბ. سعد الدين رفيق حريري | ||
 | ||
 ლიბანიშ პრემიერ-მინისტრი | ||
|---|---|---|
| პოსტის გერინაშ ბორჯი | ||
| 18 ქირსეთუთა, 2016 – 21 ღურთუთა, 2020 | ||
| წიმოხონი | თამამ სალამი | |
| მონძე | ჰასან დიაბი | |
| პოსტის გერინაშ ბორჯი | ||
| 9 გერგობათუთა, 2009 – 13 მანგი, 2011 | ||
| წიმოხონი | ფუად სინიორა | |
| მონძე | ნაჯიბ მიკატი | |
| დუნაბადი | საად ელ-დინ რაფიკ ალ-ჰარირი 18 პირელი, 1970 ერ-რიადი,  საუდიშ არაბეთი | |
| მენოღალობა | ლიბანი საუდიშ არაბეთი საფრანგეთი | |
| ერუანობა | ლიბანარი | |
| პოლიტიკური პარტია | ყარაფი მუმალშო | |
| მუმა | რაფიკ ჰარირი | |
| ნანა | ნიდალ ალ-ბუსტანი | |
| ალმასქუ | ლარა ალ აზამი (გურგ. 1998) | |
| სქუალეფი | ჰუსამი, ლოუვა, აბდულაზიზი | |
| გონათაფა | ჯორჯტაუნიშ უნივერსიტეტი | |
| საქვარუა | პოლიტიკა | |
| რელიგია | ისლამი (სუნიზმი) | |
| ვებ-საიტი | პიჯული ფეისუქ-ხასჷლა | |
ბიოგრაფია
რედაქტირაფასაად ჰარირი რაფიკ ჰარირიშ დო თიში მაართა ალმასქუ ნიდალ ალ-ბუსტანიშ (წჷმოულობათ ერაყალი) სქუა რე. დებადჷ დო მირდჷ ერ-რიადის. არაბულიშ მოხჷ რაგადანს ინგლისურ დო ფრანგულ ნინეფშა. თებული აფჷ ჯორჯტაუნიშ უნივერსიტეტი ბიზნესიშ მართუაშ სპეციალობათ, თიშ უკული დირთჷ ლიბანშა დო მუამუშიშ ბიზნესის ქაკათჷ. მუმაშ ღურაშ უკული, თიში აფალი 4,1 მლრდ დოლარს აკმადგინანდჷ. ჟურნალ Forbes-იშ მეჯინათ მილიარდალეფიშ ერკებულს საად ჰარირი 522-ა აბანს რდჷ.
2005 წანაშ 20 პირელს სუნიტური პოლიტიკური პარტიაშ „ყარაფი მუმალშო“ მადუდეთ გჷნირთჷ. 2009-2011 წანეფს ქიანაშ პრემიერ-მინისტრის პოსტი უკებუდჷ.
2016 წანაშ 18 ქირსეთუთაშე მაჟირა ხანით პრემიერ-მინისტრიშ პოსტი დეკჷ. 2020 წანაშ 21 ღურთუთას, მასობური პროტესტეფიშ ფონს გეგნოდირთჷ[1].
რესურსეფი ინტერნეტის
რედაქტირაფასქოლიო
რედაქტირაფა- ↑ Lebanon protests: New government ends months of deadlock. BBC News (2020-01-21). კითხირიშ თარიღი: 2020-01-22.