სამართალიანობაშ ლიგა (ფილმი)
„სამართალიანობაშ ლიგა“ (ინგლ. Justice League) — 2017 წანაშ სუპერგერგეზული ფილმი, ნამუთ გერსხუაფილი რე DC კომიქსეფი-შ ათე ჯოხოშ სუპერგერგეზული ზარიშ ისტორიეფშა. ფილმიშ დისტრიბუტორი რე Warner Bros. Pictures. თინა რე რანწკით მახუთა DC-შ გოფაჩილი ოქიანუშ ფილმეფიშ სერიას.
| სამართალიანობაშ ლიგა | |
| რეჟისორი: | |
|---|---|
| სცენარიშ ავტორი: | |
| ნახანდი: |
სამართალიანობაშ ლიგა, ავტორი: |
| თარ როლეფს: | |
| მუსიკა: | |
| მონტაჟი: | |
| კინოსტუდია: | |
| ქიანა | |
| ნინა: | |
| მუშნალი: |
636.1 მლნ ააშ დოლარი |
ფილმიშ რეჟისორი რე ზაკ სნაიდერი, სცენარიშ ავტორეფი – კრის ტერიო დო ჯოს უიდონი. თინა გერსხუაფილი რე ტერიოშ დო სნაიდერიშ ნახანდაშ ისტორიაშა. ფილმის თარ როლეფს არსულენა ბენ აფლეკი, ჰენრი ქევილი, ემი ადამსი, გალ გადოთი, ეზრა მილერი, ჯეისონ მომოა, რეი ფიშერი, ჯერემი აირონსი, დაიენ ლეინი, კონი ნილსი დო ჯონათან კიმბლ სიმონსი. სიუჟეტიშ მეჯინათ ბეტმენი დო სარკო ოსური ორთჷნა სუპერგერგეზულ ზარს, ნამუსჷთ ოკათჷნა ფლეში, აკვამენი დო კიბორგი. თინეფი ართო ონირზჷნა სტეპენვულფის დო თიში პარადემონეფიშ ჯარს.
ფილმიშ გიშულაშ გეშა ჩინებულქ იჸუ 2014 წანაშ გჷმათუთას. სნაიდერი დარინეს რეჟისორო, ტერიო – სცენარისტო. დუდშე ნახანდი ჩინებული რდჷ, მუჭოთ „სამართალიანობაშ ლიგა – თია 1“ დო ულამუდეს თიში 2019 წანას გეჸვენჯიშ გიშაშქუმალა, მორო მაჟირა ფილმიშ გიშაშქუმალაქ გინიდჷ თიში უკული, მუთ გინიჭყორდჷ ბეტმენიშ ფილმიშ გინოღალაქ აფლეკიშ კათაფით. „სამართალიანობაშ ლიგაშ“ გინოღალაქ დიჭყჷ 2016 წანაშ პირელს დო თი წანაშ გჷმათუთას ითუ. უკული სნაიდერქ პროექტის მიშუძინჷ ჯოს უიდონი, ნამუთ მუშენდჷ გეძინელი სცენეფიშ სცენარს. მუქი სნაიდერქ პროექტი 2017 წანაშ მესის დიტუ, თიში უკული, მუთ ცირასქუაქ უღურჷ, ათეშენ დოსქილადირი, თეში, მუჭოთ გეძინელი სცენეფიშ რეჟისორქ უიდონქ იჸუ. „სამართალიანობაშ ლიგაშ“ პრემიერა რდჷ 2017 წანაშ 26 გჷმათუთას პეკინს, ააშ-ს გიშართჷ თი წანაშ 17 გერგობათუთას 2D, 3D დო IMAX ფორმატეფს.
რესურსეფი ინტერნეტის
რედაქტირაფა
შეგილებუნა ქოძირათ მედიაფაილეფი თემაშე „სამართალიანობაშ ლიგა“ ვიკიოწკარუეს.- ოფიციალური ვებ-ხასჷლა
- (ინგლისური) სამართალიანობაშ ლიგა — კინოფილმეფიშ ინტერნეტ მუნაჩემეფიშ ბაზას
- სამართალიანობაშ ლიგა — Box Office Mojo-ს
- სამართალიანობაშ ლიგა — Rotten Tomatoes-ს
- სამართალიანობაშ ლიგა — Metacritic-ს
