საჰელი

საჰელი — ეკოკლიმატური დო ბიოგეოგრაფიული ზონა აფრიკას, ნამუთ იდვალუაფჷ საჰარაშ ტიოზიშ დო სუდანური სავანაშ შქას. საჰელი გინოზინდილი რე დოხოლაფირო 5,900 კმ.-ის, ატლანტიშ ოკიანეშე ჭითა ზუღაშახ. თიშ ფართობიე 3,053,200 კვ.კმ. საჰელიშ ზონა იკათუანს ქიანეფს: სენეგალი, გამბია, მავრიტანია, მალი, ბურკინა-ფასო, ნიგერი, ნიგერია, ჩადი, ცენტრალური აფრიკაშ რესპუბლიკა, ობჟათე სუდანი, სუდანი, ერიტრეა დო ეთიოპია. კლიმატი გვერდო-არიდული რე. საჰელიშ ზონას გიშმურს წყარმალუეფი: სენეგალი, ნიგერი დო ნილოსი. საჰელი რე არაბული ზიტყვა (الساحل) დო წყარპიჯის შანენს.

საჰელი რუკას

რესურსეფი ინტერნეტის

• საჰელი ენციკლოპედია ბრიტანიკას