სინთე

სინთე — ელექტრომაგნიტური გუმოჩხორიაფა თოლიშო ოძირაფე რეღმაშ სიშხირათ, ვარ-და ტექნიკური ვარ-და მენცარული შანულობათ, ირნერი სიშხირაშ ელექტრონაგნიტური გუმოჩხორიაფა. ოძირაფე სინთეშ რეღმაშ სიშხირა ითირუ 380–400 ნანომეტრიშე 760–780 ნმ–შახ, სიშხირათ 405 ტჰც-შე 790 ტჰც–შახ. ფიზიკას ტერმინი სინთე იკათუანს გუმოჩხორიაფაშ მოხურგე რეგიონეფს: ინფრაჭითას (დაბალ სიშხირას) დო ულტრაიაიაშფერს (მაღალ სიშხირას), ნამუთ ადამიერიშ თოლიშით ვეგინაფუაფჷ. ელემენტარული წილაკი, ნამუთ გჷთმოთანჯჷნს სინთეს რე ფოტონი. სინთეშ სუმი თარი მახასიათაფალი რე (ანუ არძა ელექტრომაგნიტური გუმოჩხორიაფაშ):

• ინტენსივალა (ამპლიტუდა), ნამუსჷთ ადამიერი სინთეშ სიბარჩხალეთ გინაფულენსჷნ;
• სიშხირა (რეღმაშ სიგჷნძა), ნამუსჷთ ადამიერი სინთეშ ფერით გინაფულენს, დო
• პოლარიზაცია (კვანწაფიშ კუნთხუ), ნამუთ ადამიერიშით ხვალე დაღარას იგჷნაფუაფუ რჩქვანელობურ ვითარაფას.

სინთეშ ბიწორი, ვაკუუმს 300 000 000 მეტრი წამს (300 000 კილომეტრი წამშს), ორთაშ ართ–ართი თარი ირონობა რე. სინთეს ახასიათენს ჟირხოლო – რეღმაშ დო წილაკიშ მუშობურობეფი. თე მახასიათაფალი ჩინებული რე, მუჭოთ რეღმულ–წილაკური დუალიზმი. მენცარობას სინთეშ გეშა ოპტიკა ჯოხო, ღინა თეხანური ფიზიკაშ რკუალაშ შანულამი სფერო რე.

ლიტერატურა

• Thomas Walther, Herbert Walther: Was ist Licht? Von der klassischen Optik zu Quantenoptik. Beck, München 1999, ISBN 3-406-44722-8.