სნუკერი
სნუკერი (ინგლ. Snooker) — ბილიარდიშ სახეგვარობა. თარო გოფაჩილი რე გოართოიანაფილ ომაფეს. XX ოშწანურაშ 70-იანი წანეფშე ლაჸაფიქ პოპულარულო გჷნირთჷ პრაქტიკულო ედომუშამ მოსოფელს, გიშაკერზაფილო ევროპას დო ჩინეთის. თარი ტურნირი — მოსოფელიშ ჩემპიონატი (ირწანაშ სეზონიშ ფინალს იმანჯებჷ).
ლაჸაფიშ წესეფი რედაქტირაფა
თარი სტატია: სნუკერიშ ლაჸაფიშ წესეფი.| ბურთანაშ ფერი | ქულა | |
|---|---|---|
| ჭითა | 1 | |
| ჸვინთელი | 2 | |
| წვანე | 3 | |
| ბურნათი | 4 | |
| ლენი | 5 | |
| ვარდიშფერი | 6 | |
| უჩა | 7 | |
ლაჸაფიშ დაჭყაფუს ოლაჸაფე ტაბაკის იდვალუაფჷ 15 ჭითა ბურთანა, ნამუეფით პირამიდაშობურო რე დონწყილი, დო 6 ფერამი ბურთანა, ნამუშე ირი ტაბაკის გოთანჯილ აბანს იდვალუაფჷ. ჩე ბურთანა (მეგამუ) ბურთანეფიშ მიოგამალო გჷმირინუაფუ. მოლაჸაფეეფქ მორანწკეთ დინაჸოთანი ოკო ლუზეფს ჭითა დო ფერამი ბურთანეფი. სოიაშახ ჭითა ბურთანეფი ტაბაკის დოსქიდჷნა, დინოჸოთამილი ფერამი ბურთანეფი ტაბაკის კინ მუნეფიშ პოზიციას დჷთმართუნა. ლაჸაფის გებულენს თი მოლაჸაფე, ნამუთ ქულეფიშ უმენტაში მუდანობას დოშაყარანსჷნ.
დო მოლაჸაფეეფქ ართნერი ქულეფიშ მუდანობა დოშაყარეს-და (არძა ბურთანეფიშ დინოჸოთამაშ უკული) ფრეიმი იგჷნძორებჷ ართი უჩა ბურთანაშ ლაჸაფით. თე შვანს არბიტრი ეთმიჸოთანს მონეტას — დო ნამუ მოლაჸაფექ ოკო დიჭყას მაართათ ლაჸაფინ. უჩა ბურთანა მეხოლაფირო იდვალუაფჷ ვარდიშფერი დო უჩა ბურთანეფიშ დვალუაშ შანიშ შქას, დო ჩე ბურთანა ბორტიშ კუნთხუს.
სნუკერს შილებე მოხვადას „შამათური“ სიტუაციაქ, მუჟამსჷთ ჭითა ბურთანეფშა მეგამეფს ფრეიმიშ გოგჷნძარაფაშ მეშქაშალა ვეშულებუ. თე შვანს, მოლაჸაფეეფიშ დო არბიტრიშ აპიჯალათ, ფრეიმიშ ლაჸაფი დუდშე იჭყაფჷ (გჷმიცხადებჷ რერეკი).
ართ სერიას ქულეფიშ უდიდაში შილებუამი მუდანობა — 147 („დუდიშული ბურთანაშ„ უმუშო) დო 155 („დუდიშული ბურთანაშამო“). სერიას 147 ქულათ (ვარ-და 155 ქულათ დუდიშული ბურთანაში) ჯოხო „მაქსიმალური სერია“ ვარ-და „მაქსიმალური ბრეიკი“. ქულეფიშ მაქსიმალური მუდანობაშ მიოღებელო მოლაჸაფექ ქინაჸოთას ოკო აეძა ჭუთა ბურთანა, თეშ ნამჷ-და ირი ჭითაშ დინოჸოთამაშ უკული უჩა ბურთანაშ დინაჸოთას ოკო, დო უკული ფერამი ბურთანეფი ომანგე ცირფული რანწკიშ მეჯინათ ქენაჸოთას ოკო.
რესურსეფი ინტერნეტის რედაქტირაფა
- პროფესიონალური ბილიარდიშ დო სნუკერიშ ოერეფოშქაშე ასოციაცია (ინგლ.)
- Global Snooker (ინგლ.)
- სნუკერიშ წესეფი კომენტარეფით (რუს.)