ჯიმალეფი კარამაზოვეფი: გინორთი გინოჯინეფს შქას

[[ფაილი:Dostoevsky house.jpg|thumb|250px|დოსტოევსკიშ ჸუდე [[ჯვეში რუსა (Старая Русса)|ჯვეში რუსეთის]], ნამუთ გედგჷ [[პერერიტიცა|პერერეტიცაშ]] ოძგაშეს. თე ჸუდეს იჭარჷ "ჯიმალეფი კარამაზოვეფქ"]]

 

 

დიმიტრი მითმიარძიენს პანს (გრუშენკაშ ჸოროფილს დო ჸოფილ ოფიცერს) 3 ვითოშის თიშო, ნამუდა,პანქ თი წუნს ქიდიტუკო თექიანობან დო ანწი დღას ვამკორჩქინედუკო გრუშენკაწკჷმან. პანი ვაალუ, თიშენ ნამდა დიმიტრის თელ თანხა ართო ვემიაჩინე. დიმიტრი დო პანი იჭყანა კარტიშ ლაჸაფის დო მუთმოხვადუ სკანდალი. სკანდალი გჷშეჭანუ თიქ, ნამუდა პანი კარტის ეთმუთირანს დიმიტრის. პანი გრუშენკაშე ითხინს, ნამუდა თიქ დარჩქალას დიმიტრინ. გრუშენკა პანს გალე ოხუნუანს. ართ-ართი ოართე ოხორინალს, სოდგა დიმიტრი, გრუშენკა დო პოლონარი პანეფი რენა, მოულა ოფუტარი ცირეფი დო ბოშეფი, არძო იბირა დო სხაპუნა, ფარა ბრელი იხარჯებაფუაფუ — იჭყაფუ შუმა. გრუშენკა ურაგადჷ დიმიტრის, ნამუდა უჸორს დიმიტრინ, ხაზირელი რე დიმიტრიწკჷმა ართო იდასინ დო დიჭყას ახალი, პატიოსანი რინან. დიმიტრის ფსუა ქაჩამუ, თხინსუ ღორონთის, ნამუდა რჩინი უნელო გუმორჩქინდუ პოლიცია, აპატიმარენა დიმიტრის. იჭყაფუ ოწმახი კილაგორუა, მუ ბორჯისჷთ დიმიტრი იფუჩუანს, ნამუდა ვა უჸვილუ მუმან. კილმაძიარეფს დიმიტრი ურაგადჷ, ნამუდა დასურო რდჷ ბაღის მუმაწკჷმან, ფიქრენდ მუ, ნამუდა გრუშა ფეოდორწკჷმა რდჷნ. დერწუმუ მუქ, ნამუდა გრუშენკა თექ ვარდჷ, დიმიტრიქ დიტუ ბაღი; მუჟამსჷთ გინმოხოხჷნდჷ ღობერსჷნ, მოინალე გრიგორიქ ქიხვამილუ დიმიტრიშ ბარგი, დო დიმიტრიქ, ნამუთ რდჷ ძალამი ატოტებული, ქიგიაშქუ მოინალეს დუც.