ხორხე ლუის ბორხესი: გინორთი გინოჯინეფს შქას

[[1921 წანა]]ს თინა ბუენოს-აირესშა ირთუ დო ანდაჸურე [[კულტურა|კულტურული]] ღვაწაფას იჭყანს: ორსხუანს ჟურნალს, თარგმუნს [[კაფკა, ფრანც|კაფკას]] დო [[ფოლკნერი, უილიამ|ფოლკნერს]], ობჟინუანს [[ლერსი|ლერსეფს]] დო [[ესსე|ესეეფს]]. [[1930]]-ამ წანეფიშ ლიას თინა იჭყანს [[თხობელუა|თხობელუეფიშ]] დო [[ნოველა|ნოველეფიშ]] ჭარუას დო ობჟინუანს ”გოგერგილობაშ უნივერსალურ ისტორიას”, ნამუთ ჯოხოს მოუღანს მუჭოთ [[პროზა|პროზაიკოსის]]. თე პერიოდის თინა დუდც ტრავმას ღებულენს, მუთ თიშ ნორთობურ დაჸვერებას იჭანუანს, მორო თეშ უმკუჯინუო თინა იშენ აგინძარენს ხანდას. თეს თის დიო დიდა, დო თიშ ღურაშ უკულ წორომოხვარე დო მოგვიანებით ოსური, მარია კოდამა ოხვარუ̂. თე პერიოდშო ბორხესი ძირითადო ჩინებური რე მუში ნოველეფით, მორო თე შვანს ჭარუნს ლერსეფსჷთ დო [[ლიტერატურა|ლიტერატურულ]] კრიტიკასჷთ. თინა წოროავტორიე,თაშნეშე პაროდიული [[დეტექტივი|დეტექტივეფიშ]], ნამუეფით ბუსტოს დომეკიშ ფსევდონიმით გჷშმურს, დო [[პიაცოლა, ასტორ|ასტორ პიაცოლაშ]] მუსიკაშა ნაქიმინა ბირეფიშ. [[1955 წანა]]ს ბორხესის ანიშნენა [[ბუენოს-აირესი|ბუენოს-აირესიშ]] ერუანული ბიბლიოთეკაშ დირექტორო. კინ თე წანას ბუენოს აირესიშ უნივერსიტეტის ინგლისური ნინაშ მაგურაფალო იჭყანს ხანდას.

 

[[1973 წანა]]ს [[პერონი, ხუან|ხუან პერონიშ]] ხემაჟირათ გოპრეზიდენტაფაშ უკული ბორხესი იტენს ერუანული ბიბლიოთეკაშ დირექტორიშ თანამდებობას. [[1979 წანა]]ს ჭარუს აჯილდოვენა [[სერვანტესიშ პრემია|სერვანტესიშ პრემიათ]], ოდო [[1983 წანა]]ს [[საპატიო ლეგიონიშ ორდენი|საპატიო ლეგიონიშ ორდენს]] ეთმოჭოფუნს.

 

რინაშ ეკონია წანეფს ბორხესი მუში წორომოხვარე, მარია კოდამაწკუმა მუკმურს. [[1984 წანა]]ს თინეფი ობჟინუანა ნოჭყვედეფს მუნეფიშ დღაურეფშე, ჯოხოდვალათ ''ატალა'', სოდეთ ბორხესიშ ტექსტეფი დო კოდომაშ ფოტოეფიე. თინეფი [[1986 წანა]]ს, ჭარუშ ღურაშახ მუდგაზმარენ თუთათ ორდო იქორიწინებუნა. ბორხესი ღურუ კიბოთი, [[ჟენევა|ჟენევას]], [[1986 წანა]]ს. თის მაფეფიშ სასაფულეს ასაფულენა.

 

ფიქციაშ გალე ბორხესიშ შემოქმენდაფა იკათუანს ფილმეფიშ დო წიგნეფიშ კრიტიკას, დეტექტიურ რომანს. ბორხესი დეტექტიურ რომანს ირჩქინანს კლასიკური ლიტერატურაშ ღირსებუან მონძეთ, რახანც თის გარჩქჷ სინთუანი გოთანჯაფაილი გეგმა, მიშალი, [[ინტრიგა]] დო თება. ბორხესის ორხველჷ თაშნეშე კუნტა [[ბიოგრაფია|ბიოგრაფიეფი]] დო გინძე [[ფილოსოფია|ფილოსოფიური]] [[ესსე|ესეეფი]] რაგადუაშ, [[დიალოგი]]შ, არზუანობაშ დო თინეფიშ წორომეწურაფაშ გურშენი. თიშნერი სტატიეფს, მუნერეფითიე, მაგალთო, ”ტანგოშ ისტორია” დო ”ვითოშ ართი სერიშ მათარგმალეფი”, ავტორი სინთებუანო მითმიანიშნენს თი ელემენტეფშა, ნამუეფსჷთ შანულამი აბანი უკინებუნა თიშ რინას.