ქორთუეფი: გინორთი გინოჯინეფს შქას

[[ფაილი:Queen Tamar - Vardzia fresco.jpg|thumb|[[თამარ მაფა]]]]

'''ქორთუეფი''' — ერი, ეთნიკური ბუნა (ეთნოსი), [[კავკაცია|კავკაციაშ]] აბორიგენი (ავტოქთონი) მახორობა. მუდანობა რე 7 200 000-იშ უმოსი. აკმადგინანა [[საქორთუო|საქორთუოშ]] მახორობაშ 83,8%-ს (მეხოლაფირო 4 000 000). თეშ მოხ, 157 803 კოჩი ოხორანს [[რუსეთი|რუსეთიშ ფედერაციას]], 3 მილიონიშ უმოსი ოხორანს [[თურქეთი|თურქეთის]], ისტორიულ ქორთულ ტერიტორიეფს ([[ტაო-კლარჯეთი]], [[არტაანი]] (ამდღარი [[არდაგანი]]). ქორთული ერუანული იდენტობა უღუ [[ლაზეფი|ლაზეფიშ]] ართ ნორთის, უმოსო ოფუტე [[სარფი|სარფიშ]] მახორუეფს ([[აჭარაშ ავტონომიური რესპუბლიკა|აჭარაშ ავტონომიურ რესპუბლიკას]], მეხოლაფირო 300 000 [[ირანიშ ისლამური რესპუბლიკა|ირანს]] ([[ფერეიდუნ შაჰრი]], ნეჯაფ აბადი, რაჰშათ აბადი, ორჯი მაჰალე, თავრიზი, თეირანი, შირაზი, თაქ ქორთუეფი გინახორეს XVII—XVIII ოშწანურეფს), მეხოლაფირო 150 000 [[ავღანეთი|ავღანეთის]] (ქორთუეფი თაქ ხოლო XVII—XVIII ოშწანურეფს გინახორეს), 50.000-შ უმოსი [[აზერბაიჯანი|აზერბაიჯანს]], (ისტორიულ ქორთული ოლქი [[ჰერეთი]], ამდღარი [[კახიშ რაიონი|კახიშ]], [[ზაქათალაშ რაიონი|ზაქათალაშ]] დო [[ბელაქანიშ რაიონი|ბელაქანიშ]] რაიონეფს), მეხოლაფირო 50.000 [[უკრაინა|უკრაინას]], 200.000-შახ [[ამერიკაშ აკოშქუმალირი შტატეფი|ააშ-ს]] დო [[ევროპა|ევროპაშ]] შხვადოშხვა ქიანეფს (უმოსო [[გერმანია|გერმანიას]], [[საფრანგეთი]]ს, [[ნიდერლანდეფი|ნიდერლანდეფს]], [[ბელგია|ბელგიას]] დო შხვა ქიანეფს). კანადაშ ერუანული სტატისტიკაშ ოაგენტეშ მეჯინათ, [[კანადა]]ს 2190-იშ უმოსი ქორთუ რე.