კირიბატი: გინორთი გინოჯინეფს შქას

'''კირიბატიშ რესპუბლიკა''' ({{lang-en|Republic of Kiribati}}, გჷმირაგადუაფუ IPA: [ˈkiribas]) — [[რჩქალი ოკიანე]]შ სახენწჷფო [[მიკრონეზია]]ს. ქიანას ოორუეშე უხურგანს [[მარშალიშ კოკეფი]]შ დო [[მიკრონეზიაშ ფედერაციული შტატეფი]]შ ტერიტორიული წყარეფი, ბჟადალშე დო ობჟთე-ბჟადალშე - [[ნაურუ]]შ, [[სოლომონიშ კოკეფ]]შ დო [[ტუვალუ]]შ ტერიტორიული წყარეფი, ობჟათე დო ობჟათე-ბჟაეიოლშე - [[ტოკელაუ]]შ, [[კუკიშ კოკეფი]]შ დო [[საფრანგეთიშ პოლინეზია|საფრანგეთიშ პოლინეზიაშ]] ტერიტორიული წყარფი. ოორუეშე დო ოორუე-ბჟაეიოლშე უხურგანს რჩქალი ოკიანეშ ნეიტრალურ წყლეფსწარეფს, თაშნეშე [[ააშ-იშ გოხოლუაშ მორჩილი კოკეფი|ააშ-იშ გოხოლუაშ მორჩილ კოკეფს]]. ქიანაშ წყარპიჯიშ ღოზიშ სიგჷნძა - 1143 კმ. [[გიშაკერძაფილი ეკონომიკური ზონა]] (გეზ) — დოხოლაფირო 3,5 მილიონი კმ². [[დინოხოლენი წყარეფი]] - დოხოლ. 22 კმ ჯინჯიერი ღოზიშე. კირიბატიშ რესპუბლიკაშ აკოდგინალუაშა მიშმურს 33 მორჩილი [[ატოლი]], ნამუშეთ 20 უდუხორუ რე. თინეფშე 16 კოკი დო ატოლი [[გილბერტიშ კოკეფი|გილბერტიშ კოკეფს]] რე, 8 კოკი [[ფენიქსიშ კოკეფი|ფენიქსიშ კოკეფს]] დო 8 კოკი - [[ლაინიშ კოკეფი|ლაინიშ კოკეფს]]. კირიბატიშ ორხველჷ ზოხო მადვალუ კოკი [[ბანაბა]]. ედომუშამი ფართობი რე — 812,34 კმ². კირიბატიშ მახორობა — 103 058 ადამიანი.<ref >[http://www.mfed.gov.ki/wp-content/uploads/2011/05/Census-Report-2010-Volume-1.pdf მახორობაშ ეჭარუა (2010)]</ref> ([[2010]], ეჭარუა). ნანანოღა - [[ობჟათე ტარავა]]. ქიანაქ ზოხორინალა [[გოართოიანაფილი ომაფე]]შე გჷმაცხადჷ 1979 წანაშ 12 კვირკვეს, კინე თიმ წანას თის ოფიციალურო გიადჷ ჯოხოქ - კირიბატიშ რესპუბლიკა. 1983 წანას ნძალაშა მიშართჷ ომაჸალობაშ გეშა აპიჯალათ [[ააშ]]-შ დო კირიბატიშ რესპუბლიკაშ შქას, მუშ მეჯინათ ააშ ვარიას აცხადენდჷ ლაინიშ დო ფენიქსიშ კოკეფს მადვალუ 14 კოკიშ პრეტენზიაშე დო აღიარჷ თინეფი კირიბატიშ რესპუბლიკაშ აკმადგინალჷ ნორთო.