ჟირლებერამეფი: გინორთი გინოჯინეფს შქას

'''ჟირლებერამეფი''' (Dicotyledoneae, Dicotyledones ან Magnolitae) — [[ფორილთასამეფიი|ფორილთასამ]] [[ჩანარეფი]]შ [[კლასი (ბიოლოგია)|კლასი]]. ახასიათენს ჟირი ართიანიშ აწმარენლებერამი ხუჭუჭი, რგოლურო დვალირი ანგნოჭკამი კილეფი, ედომუშამი ვარდა ზოხოიანი ფურცელიშ ფირფიტელა ბადეშობური ჯერღვეფით, 5- ვარდა 4-მაკათურამი პირი, მარქვაშ ([[ქსილემა]]) დო [[ლეფონი|ლეფონს]] (ფლოემა) შქას ინოხუნაფილი წჟმმაქიმინალიწჷმმაქიმინალი ნორშვი — [[კამბიუმი]], ნამუთ გჷთმოთანჯჷნს ღერიშ ძინას სისქაშა. ჟირლებერამიოჟირლებერამ პიორამ ჩანარეფს შქას არძაშე მიარემუდანამი კლასი რე, აკმაართიანენს 175 000 გვარობას (350—360 ფანია).

[[საქორთუო]]ს გოფაჩილი რე 108 ფანიაშ 726 გვარიშ 3000-შახ გვარობა. ჟირლებერამეფიშ ვეგეტატიური დო რეპროდუქციული ორგანოეფიშ მიარეგვარობა ართულენს მოჯგირული რსხუეფიშ დოდგინას თე კლასიშ რანწკეფს დო ფანიეფს შქას. ჟირლებერამეფიშ წიმოხიანეფი, თინეფიშ წჷმოულობაშ ბორჯი დო აბანი დიო ხოლო ვარე ოხვილურო დოგურაფილი. კლასის შხირას რთჷნა ჟირ ვარდა სუმ გიმენკლასო. ბოლო ხანს უმოსო ორთაშობურო მიოჩქჷნა თემ კლასიშ დორთუალა 6 გიმენკლასო. ჟირლებერამეფიშ კლასის აკმიართიანებუ [[წიფურიშობურეფი]], [[თხირიშობურეფი]], [[ბაიაშობურეფი]], [[მაგნოლიაშობურეფიმაგდონიაშობურეფი]], [[ვარდიშობურეფი]], [[ჭყვერტელიაშობურეფი]] დო მიარე შხვა ფანია, ნამუეფშე უმენტაშობა ორხველჷ კულტურულ ჩანარეფს, ადამიერიშ დო საქონელიშორინჯიშ ოჭკომალს, [[ოკურნალე ჩანარეფი|ოკურნალე]], ტექნიკური, [[ეთერზეთამი ჩანარეფი|ეთერზეთამი]], [[მართიმილე ჩანარეფი|მართიმილე]], [[ოღაფალი ჩანარეფი|ოღაფალი]] დო [[დეკორატიული ჩანარეფი]].