აბუ ჰამიდ ალ-ღაზალი: გინორთი გინოჯინეფს შქას

'''აბუ ჰამიდ მუჰამად იბნ მუჰამად ალ-ღაზალი''' ({{lang-ar|ابو حامد محمد بن محمد الغزالى;}} დ. [[1058]], [[ტუსი]], [[ირანი]] — ღ. [[19 ქირსეთუთა]] [[1111]], [[ტუსი]]) — არაბულნინამი თეოლოგი დო ფილოსოფოსი. [[სუფიზმი]]შ უდიდაში წჷმმარინაფალი დო თეორეტიკოსი. წჷმოულობათ [[სპარსალი]]. გონათუა [[ნიშაბური|ნიშაბურს]] დო [[ბაღდადი|ბაღდადის]] მიღჷ. მუსლიმანური სამართალიშ მარწაფალი რდჷ. თიშ თხობელუეფს შქას შანულამი რე „ფილოსოფოსეფიშ ვაწოროგეჸვენჯობა“, „ფილოსოფოსეფიშ დებულებეფი“, „რელიგიაშ მენცარობეფიშ გოთელარაფა“. ალ-ღაზალს მიოჩქუდჷ, ნამჷ-და [[ღორონთი]] — დაჭყაფუ რეალურო არსებული [[ჭეშმარიტება]] რე დო თიშა მეჭირინაფა [[ასკეტიზმი]]შ შარათ გჷმოწიმინდელი [[ადამიერი]]შო შილებე [[ინტუიცია|ინტუიციაშ]] მეშქაშობათ. თინა ანტკიცენს, ნამჷ-და მოლინეფს შქას უციო ბაძაძშედეგობური რსხუ ვა არსებენს, მარა მალამუსენდჷ, ნამჷ-და [[გონი]]თ წოროულუობაშო ჟიგემარენჯი ინტუიციათ ვადიხაშურ მოლინეფიშ ურთიართობაშ აღქმააჩამა ხოლო მიხერხებუაფჷ. ალ-ღაზალიშ იდეეფქ გოლინა იღვენუ შხვადოშხვა მუსლიმანურ ფილოსოფიაშა, შქა ოშწანურეფიშ ურიულ ფილოსოფიაშა დო ევროპულ მისტიკურ გურაფეფშა.