კავკაციაშ გვალარი კათეფიშ კონფედერაცია: გინორთი გინოჯინეფს შქას

|ჯოხო = კავკაციაშ გვალარგვალარი კათეფიშ კონფედერაცია

'''კავკაციაშ გვალარგვალარი კათეფიშ კონფედერაცია''' ({{lang-ru|Конфедерация горских народов Кавказа}}) — მილიტარიზაფილი პოლიტიკური ორგანიზაცია, ნამუთ [[1991]]-[[1994]] წანეფს რდჷ.

„კავკასიაშ გვალარგვალარი კათეფიშ კონფედერაციიაშ“ გოჭყაფა, გომანგარაფა დო [[საქორთუო]]შ სააწმარენჯოთ გჷმორინაფა [[სხუნუეფიშ რსხუ]]შ დო უკული [[რუსეთი]]შ [[სპეცნინალა|სპეცნინალეფიშ]]ით დოგეგმილი დო გოხორციალაფირი ართ-ართი პროექტი რდჷ, ნამუსჷთ სხუნუეფიშ რსხუს ჸოფური პოლიტიკური გჷნოქიმინუა-მოდერნიზაფაშ პერიოდის სხუნუეფიშ ინტერესეფი დჷთხილუდუკო დო სირთულეეფი აკუნწყუმუდუკო ოკო თი სხუნუეფიშ რესპუბლიკეფშო, ნამუეფით სხუნუეფიშ რსხუშე გიშულას გჷნოჭყვიდუნდესჷნ.

[[1989]] წანაშ 25-26 [[მარაშინათუთა]]ს, [[სოხუმი|სოხუმს]] მანჯაფილჷ „კავკაციაშ გვალარგვალარი კათეფიშ I ყარუას“ დირსხჷ „კავკაციაშ გვალარგვალარი კათეფიშ ასამბლეაქ“. „კავკაციაშ გვალარგვალარი კათეფიშ ასამბლეაშ“ გოთქვილი ღანკეფი უმენტაშო კულტურული-ავტონომიური ხასიათიშ რდჷ.

[[1991]] წანაშ 1 გერგობათუთას, [[სოხუმი|სოხუმს]], „კკავკაციაშ გვალარგვალარი კათეფიშ III ყარუას“, ნამუსჷთ ოკათუდჷ 14 კავკაციური ეთნოსიშ წჷმმარინაფალი, გინოჭყორდჷ „კავკაციაშ გვალარგვალარი კათეფიშ კონფედერაციაშ“ — მუჭოთ პოლიტიკური გოართოიანაფაშ გოჭყაფაქ, ნამუთ დუდს აცხადენდჷ „სუვერენულ ერუანულ-სახენწჷფო გოართოიანფათ“ — თიქ წჷმორინაფილქ იჸუ მუჭოთ კონფედერაციული სახენწჷფოქ, ნამუშ აკოდგინალუაშა მიმშეშჷ ვა თიმ ბორჯიშ რინელი ნამდგაინ ადმინისტრატიულ-პოლიტიკური ავტონომიეფი, ვარინ — კავკაციაშ „კათეფი“ ანუ ეთნოსეფი. კონფედერაციაშ ნანანოღათ გმიცხადჷ [[სოხუმი|სოხუმქ]], მაჟირა ნანანოღათ — [[მახაჩყალა]]ქ.

„კავკაციაშ გვალარგვალარი კათეფიშ კონფედერაციაშ“ სოხუმს გოჭყაფა დო თიშ ნანანოღათ სოხუმიშ გჷმოცხადაფა, თიჯგურა ვითარებას, მუჟამსჷთ თიშა მიშმალი „კათეფიშ“ ტერიტორიეფიშ აბსოლუტური უმენტაშობა [[ოორუე კავკასია]]ს, რუსეთის იდვალუაფუდჷნ, ხათეშე მიოწურუანდჷ კონფედერაციაშ დოშანაფაშ დო ღანკიშ [[აფხაზეთი|აფხაზეთის]] გჷმარინაფალო.

„კავკაციაშ გვალარგვალარი კათეფიშ კონფედერაციაშ“ პარლამენტო გჷმიცხადჷ „კავკაციაშ გვალარგვალარი კათეფიშ ასამბლეაქ“, ნამუქჷთ პრეზიდენტო გეგშაგორჷ მ. შანიბოვი, [[პარლამენტი]]შ მადუდეთ — ი. სასლამბეკოვი. კონფედერაციას აკიშაყარჷ [[ჩეჩნეთი]]შ პრეზიდენტ [[ჯოხარ დუდაევი|ჯ. დუდაევი]]შ პოლიტიკურ აწმარენჯეფქ ჩეჩნეთშე — გოლინამი ოველე მადუდე [[შამილ ბასაევი|შამილ ბასაევქ]] (დუდაევიშ კონკურენტი [[პრეზიდენტი]]შ გიშაგორუეფს) დო ი. სასლამბეკოვქ (ჩეჩნეთიშ პარლამენტიშ მადუდექ, გოლინამ პრორუს პოლიტიკოსიქ, ნამუსჷთ [[1991]]-[[1993]] წანეფს [[ჯოხარ დუდაევი|ჯ. დუდაევშე]] უმოსი დიდი გოლინა უღუდჷ ჩეჩნეთის რუსეთიშ ფინანსური დო პოლიტიკური ხუჯიშ დაკინებაშ გეშა). კონფედერაციაშ თარი მოხუჯექ მოსკოვს გჷნირთჷ რუსეთიშ [[პარლამენტი]]შ მადუდეთ, რუსეთის უდიდაში პოლიტიკური დო ფინანსური გოლინაშ მოღვენი ხასბულატოვი ([[ჯოჰარ დუდაევი]]შ უდიდაში აწმარენჯი).

„კავკასიაშ გვალარგვალარი კათეფიშ კონფედერაციაშ“ იდეოლოგიურ ბაზას წჷმარინუანდჷ [[ანდრეი სახაროვი|ა. სახაროვიშ]] „[[სხუნუეფიშ რსხუ]]შ ახალი [[კონსტიტუცია]]“ — ნამუშ მეჯინათ სხუნუეფიშ რსხუ აკოცჷმედუკო ოკო ოშბათ მორჩილი ეთნიკურ-პოლიტიკურ ართულო დო „[[საქორთუო]] მორჩილი იმპერია რე“ იდეათ. აფხაზეთის ლჷმაშ პერიოდის კონფედერაციას ოერეფოშქაშე მასმედიას გამწე იდეოლოგიურ მოხვარას უწიენდჷ ა. სახაროვიშ რქვი [[ელენე ბონერი]].

„კავკასიაშ გვალარგვალარი კათეფიშ კონფედერაციაშ“ გოჭყაფას, ნამუთ იდამ-და [[სსრრ]] ოკანონმადვალე ბაზას ირნერო ეწურედჷ დო რუსეთიშ რსებული ტერიტორიული მონწყუალაშ სააწმარენჯოთ იბურჯდჷნ — დღამუთას დო მუთუნით ვეწურედჷ ვართ [[სსრრ]] დო ვართ [[რუსეთი]]შ ოკანონმადვალე დო ემაჸონაფალი ხეშულობა.

„კავკასიაშ გვალარგვალარი კათეფიშ კონფედერაციაშ“ იდეეფს დო იდეოლოგიას [[ზვიად გამსახურდია]] დო [[ჯოხარ დუდაევი|ჯ. დუდაევქ]] ქაწუდირთეს „[[კავკაციური ჸუდე]]შ“ იდეათ დო ქოთ გაჭყეს მანგური ორგანიზაციული სტრუქტურეფი.

[[1992]] წანაშ [[18 მარაშინათუთა]]ს, [[გროზნო]]ს „კავკასიაშ გვალარგვალარი კათეფიშ კონფედერაციაშ“ [[პარლამენტი]]შ ოგანაგე ხუნას მეღებულქ იჸუ დჷნადგინაქ აფხაზი [[სეპარატიზმი|სეპარატისტეფშო]] ოურდუმე მოხვარაშ გეშა.

1992 წანაშ [[21 მარაშინათუთა]]ს, აფხაზეთის ლჷმაშ დოჭყაფაშ უკული, „კავკასიაშ გვალარგვალარი კათეფიშ კონფედერაციაქ“ [[საქორთუო]]ს ლჷმა გეგმუცხადჷ დო აფხაზეთშა გეგნაჸოთ დორხველი აკოანჯარაფილი ნძალეფი. 1992 წანაშ [[19 მარაშინათუთა]]ს, აფხაზეთშა მოჩანთუეფიშ ჯღონაშ გჷნოჭყვიდირი კონფედერაციაშ აკოანჯარაფილი ნძალეფიშ აკოდგინალუაშა მიღეს [[ყუბანი]]შ დო [[დონი]]შ [[კაზაკეფი|კაზაკეფიშ]] ატამანეფიშ სხუნუეფქ.

„კავკასიაშ გვალარგვალარი კათეფიშ კონფედერაციაშ“ აკოანჯარაფილი ფორმირაფეფიშ დო [[რუსეთი]]შ არმიშით მათთვის გჷნოჩამილი მიარე ობურჯაფე ტექნიკა ღილეთ დო უდუბურუთ ოავტომობილერზეფით დო რკინაშარათ ოშობათ კილომეტრეფიშ მაშორაშა გეგანჸოთეს აფხაზეთშა.

დორსხუაფაშე „კავკასიაშ გვალარგვალარი კათეფიშ კონფედერაცია“ ჩეჩნეთის, [[რუსეთი]]შ ფედერაციაშ აკა მუშითგჷმოცხადაფილჷ სახენწჷფოს, ნამუთ რუსეთშე გიშულას დო ოერეფოშქაშე ჩინებას ითხინდჷნ, პოლიტიკური გოლინაშ სფეროს აწუდირთჷ [[ჩეჩნეთი]]შ ერუანულ-გჷმადუდიშულაფარ ყარაფის დო არძაშ უმაართაშე ყარაფიშ ლიდერს, პრეზიდენტ ჯ. დუდაევს. „კავკასიაშ გვალარგვალარი კათეფიშ კონფედერაციას“ [[კრემლი|კრემლს]] თარი ხუჯიშ დჷმაკინებელი სახეთ ჸუნდჷ [[რუსეთიშ დუმა|რუსეთიშ დუმაშ]] მადუდე ჩეჩენი რ. ხასბულატოვი.

[[აფხაზეთიშ ლჷმა]]შ დოჭყაფაშ ბორჯიშე, ოურდუმე თოლწონუათ გამანგარებულჷ „კავკასიაშ გვალარგვალარი კათეფიშ კონფედერაციაქ“ გააქტიურჷ ბურჯაფი ჩეჩნეთის დორხველი ხემანჭუობაშ მიშაღალარო პრეზიდენტ [[ჯოხარ დუდაევი]]შ სააწმარენჯოთ. გიშაკერზაფილო დიძაბუნჷ პოლიტიკური სიტუაციაქ ჩეჩნეთის აფხაზეთიშ ლჷმაშ თებაშ უკული, მუჟამსჷთ კონფედრაციაქ მუში აკოანჯარაფილი ნძალეფიშ უდიდაში ნორთი ჩეჩნეთშა გეგნაჸოთ დო ჯოხარ დუდაევიშ დახუაფალო უდუბურუ ბურჯაფი გემწიჭყჷ. [[გროზნო]]ს [[რუსეთი]]შ ბონი ხუჯიშ დაკინებათ კონფედერაციაქ მანწყჷ ჟირი [[პუტჩი]], ნამუშეთ 1994 წანაშ [[ზარხული]]შ „თეატრალური მოედანიშ პუტჩის“ მაჸუნჷ შანულამი აკოანჯარაფილი აკონთხაფაქ ტანკეფიშ გჷმორინაფათ, კონფერედაციაშ მოხუჯეეფიშ მარცხებათ დო ჩეჩნეთშე თინეფიშ ედომუშამი გიშარაჸუაქ — კონფედერაციაშ პარლამენტიშ მადუდე ი. სასლანბეკოვქ ირტჷ ჩეჩნეთშე დო [[მოსკოვი|მოსკოვს]] დუდი ქიმკიჩჷ. ჩეჩნეთიშ მეუნჩაშეეფიშ ყარუაქ სასლანბეკოვი დო რ. ხასბულატოვი ჩეჩენი ერიშ გჷთმაჩამალეფო გჷმაცხადჷ.