ცერბერი: გინორთი გინოჯინეფს შქას

'''ცერბერი''' ვარდა '''კერბერი''', ([[ბერძენული ნინა|ბერძნ.]] Κέρβερος) — [[ტიფონი]]შ დო [[ექიდნე]]შ სკუა. დიხაშთუდოიანი ოქიანუშ ([[ჰადესი]]შ) კარეფიშ ყარული თოისერი ორჩხოლი. თის უღუდჷ სუმი დუდი, თიშ კისერს [[გვერი|გვერეფი]] იწკუმონტუდეს დო კუდი ლერჩქვღირთონილი [[გვერვეშაპი]]შ დუდით ითებუდჷ. ცერბერი ჰადესისჰადესშა ირკოს მინაშქვანდჷ, თევჸურეშეთეჸურეშე აშო — აკას ვაუტენდჷ. ხვალე ართიქ — [[ორფეოსი|ორფეოსიქ]] ჯადოსანური ბირათ დარულუ კერბერი დო გიმუტყობუდუკო დიხაშთუდონშე.

[[მიკენე]]შ მაფაქ — [[ევრისთევსი|ევრისთევსიქ]] დავალჷ [[ჰერაკლე]]ს ჰადესიშე კერბერიშ ეშაჸონაფა. დიდი ხანს გილულაშ დო ბრელი დუდსგინალუშ უკული ჰერაკლექ მერთჷ დიხაშთუდონიშ მაფა ჰადესწკჷმა დო კერბეროსიშ ჸონაფა მოთხუ. ჰადესიქ ეჸონჷ ჰერაკლეშ ძირაფათ დო ოთხუალით, ჰოიაქ უწუ, მარა თი პიჯალათ, გერგეზი კერბერს ცალიერი ხეთ დემორჩილენდჷდა. რკინაცალი მანგარი ხეეფი ქუგუდჷ ჰერაკლექ ორჩხოლს დო მოთხჷ ქაჸუნუკონჷ, მარა კერბეროსი ვაღირიკჷნდჷ კითის. ბრელხანს აწამჷ ორჩხოლი ჰერაკლექ დო ბოლოს გვერდო ღურელი ქიხვამილუ დო მოლეჸონჷ. ნაპტანი დაშკურინუდაშქურინუ წკვარამიშ მარენჯი დღაშ სინთექ, თის გვალო რგილი უფი გინასოფანდჷ, ცანცალქ ეუოლჷ დო ლერჩქვეფშე მაწამალარი ლეზვა მანტუდჷ, ლეზვაშე შხამამი [[ოდიარე|ოდიარეეფი]] ირდუდჷ. ჰერაკლექ კერბერი მიკენშა იჸონჷ დო ევრისთევსის მეუჸონჷ, მარა მაფა მუჭო ქოძირუნჷ დოშქურდჷ დო ოხვეწუდჷ გერგეზის, კინ ჰადესშა უჸონაფუდუკონ ათე ოშქურანჯობა. ჰერაკლექ ქიგეგონჷ დო კინ მუში ომაფეშა დართინუ კერბეროსი.