აია-სოფიაშ ოხიდა: გინორთი გინოჯინეფს შქას

'''აია-სოფია''' (თაშნეშე '''ჰაგია-სოფია''', ასე '''აია-სოფიაშ მუზეუმი''') — ჸოფილი [[ბიზანტია|ბიზანტიური]] [[მართლმადიდებლობა|მართლმადიდებელური]] [[ოხვამე]], ნამუთ მოგვიანაფათ [[მეჩეთი|მეჩეთო]] გჷნიკეთჷ [[ოსმალეთიშ იმპერია|ოსმალეფიშით]], ასე — მუზეუმი რე ნოღა [[სტამბოლი|სტამბოლს]], [[თურქეთი]]ს. თის უნივერსალურო [[მოსოფელი|მოსოფელიშ]] ართ-ართ არძაშე დიდებულ დგჷმილო მირჩქინანა დო შხირას მოსოფელიშ მაბრუო სამანცარობათ მიშინუანა. [[კონსტანტინოპოლი]]შ დონთხაფაშ ბორჯის, თიში ოსმალეფიშ ხეშა გინულა ბერძენული მართლმადიდებელური ქირსიანული რწუმაშო უდიდაშ ტრაგედიათ რე მერჩქინელი. ვინდარო [[კონსტანტინოპოლი]] დანთხუდჷნ, ართ-ართი უთარაში მართლმადიდებელური ოხიდა რდჷ. ჯოხო '''წიმინდე სოფია''' ბერძენულშე ითანგჷ, მუჭოთ '''წიმინდე სიჭკვერა''' დო ენძღვიებჷ [[სუმელა|წიმინდე სუმელაშ]] მაჟირა იპოსტასის, ზოხოიან ღორონთიშ ზიტყვას ([[ბერძენული ნინა|ბერძენ]]:Λόγος), ღორონთ [[იოსე ქირსე]]ს, მუჭოთ ღორონთიშ წიმინდე სიჭკვერას.