შოტლანდიურ-გელური ნინა: გინორთი გინოჯინეფს შქას

ათეხანური შოტლანდიაშ ტერიტორიას [[კელტური ნინეფი|კელტურ ნინეფშა]] იჩიებუდეს [[ბრიტეფი]], ნამუეფით შოტლანდიაშ რზენიშ ობჟათეშე რდეს დოხორელი; ნოღა [[ედინბურგი]]თ ნორთობურო თინეფიშ დორცხუაფილიე. წორეთ ათეხანური შოტლანდიაშ ტერიტორიას გიჭყჷ ბრიტული ნინეფშა სქჷლადირი ართ-ართი უჯვეშაში ლიტერატურულ ნაწარმებიქ — ანეირინიშ ”გოდოდინი”„გოდოდინი“. ბრიტეფიშ რინა შოტლანდიას ალბეთ VI ბორჯიშახ მიოჭირინუანდჷ, მარა ჭიეჭიეთ ანგლოსაქსეფქ ობჟათეშ გოლინაშ თუდო მიკინეს თინეფი, დო ბჟადალშე ირლანდიარეფქ აკაინწრეს, თენეფი უმენტაშო ”დალ„დალ რიადიშ”რიადიშ“ ომაფე, [[ოლსტერი]]შე რდეს, ნამუთ კოკიშ ოორუეშე რდჷ დვალირი. ირლანდიარეფიშ ბრიტანეთშა გინოხორაფაქ დიო ხოლო IV ოშწანურას დიჭყჷ, მარა, თინეფიშ მახორობაქ [[უელსი|უელსის]] ვეშიჩუალჷ, შოტლანდიას დო მენიშ კოკეფს ჯინჯიერი ეთნიკური ბირთვო გინირთჷ. შოტლანდიაშ ობჟათე-ბჟადალშე დვალირ იონიშ კოკიქ ირლანდიაშ პაპობაშ ართ-ართი ცენტრო გინირთჷ. თაქ დიდი მონასტერით გეიოგეს, ნამუთ წიმინდე კოლუმბის ვარა კოლუმ კილეშ ჯოხოს მეურე.