ინგირწყარი: გინორთი გინოჯინეფს შქას

'''ინგირწყარი''', [[წყარმაალიწყარმალუ]] ბჟადაალი [[საქორთუო]]ს, [[კავკაციონიშ თარი წყარგჷმართალი ქჷნდჷრი]]შ ოჩხანე კართეს დო კოლხეთიშ რზენს. ოდუდე უღუ უგურყელი [[ინგირი (უგურყელი)|ინგირს]], ზუღაშ დონეშე 2614 მ-ს. ნოღა [[ანაკლიაწკჷმა]] აკათუ [[უჩა ზუღა|უჩა ზუღას]]. სიგირძა 213 კმ, აუზიშ ფართობი 4060 კმ². თარი ნადუეფი რე - მარძგვანი: [[ადიშიშჭალე]], [[ხალდეჭალე]], [[მულხრა]], [[დოლრაჭალე]], [[ნაკრა (წყარმაალი)|ნაკრა]], [[ნენსკრა]]; კვარჩხანი: [[თხეიში]], [[ხუმფრერი]], [[ლასილი (წყარმაალი)|ლასილი]], [[მაგანა (წყარმაალი)|მაგანა]], [[ჯუმწყარი|ჯუმი]] დო შხვა. ინგირწყარი ჟიმოლენს კვათუნს [[შონეშ]] ქვაბის, ოდო უკული ტომბა დო ცორქო ლეხერს მეხირჩანს. ჟიმოლენს დო შქა დინებას წყარმაალიშ [[კალაპოტი]] მინგან ჭორომიანიე. ნოღა [[ჯვარი (ნოღა)|ჯვარწკჷმა]] წყარმაალი გიშმურს [[კოლხეთიშ რზენი|კოლხეთიშ რზენს]], ქიმინუნს ფართო ლეხერს დო იჩხვინჩხვალუ. ოფ. რუხწკჷმა ირთუ ჟირი ნოჸელათ, ნამუეფ შქას აშაძჷ 12 კმ სიგირძაშ დო 0,5-2,0 კმ სიგანეშ კოკი. თიშა გეკიდილიე ოფ. [[შამგონა]]. ინგირწყარი აკოწყორილი რდუალაშ წყარმაალიე; ჟიმოლენს წანური გიმნაველიშ 66%-ის აკმადგინანს თჷრიშ დო უგურყელიშ წყარი, 22%-ის გრუნტიშ წყარი, 12%-ის ჭვემაშ წყარი, თუდოლენს ოსქვებურო - 18%, 26% დო 56%-ის. ოშქარი წანური ხარჯი ოფ. ხაიშწკჷმა 109 მ³/წმ მანგიე აკაკათაფუწკჷმა 170 მ³/წმ. წყარალა უჩქუ აფუნს დო ზარხულს, წყარციქა რე ზათონც. ოფ. ლახამულიშე ოფ. შამგონაშახ ინგირწყარს ირინუანა ჯა-ტყაშ გიმასიონტაფალო, თუდოლენს - ოწყარალო, ინგირ-გალიშ ოწყარალი არხიშ ოშქარალათ. ნოღა ჯვარწკჷმა გიკიდუ̂ [[ინგირწყარიშ ჰიდროელექტროსადგური|ინგირწყარიშ ჰიდროელექტროსადგურქ]]. ოფ. ტობარწკჷმა დოპროექტაფილიე 750 ვითარი. კვტ სიმძლავრეშ ტობარჰესიშ გეკიდუა.ინგირწყარიშ მანგას გიშმურს [[სამარგალო|სამარგალოშ]] დო [[აფხაზეთიშ ავტონომიური რესპუბლიკა|აფხაზეთიშ]] რეგიონეფიშ ადმინისტრაციული სანძღო.