დიდგორიშ ლჷმა: გინორთი გინოჯინეფს შქას

მავითაართა-მავითოჟირა უკუნემს [[ქორთუეფ|ქორთუეფიშ]] მაფაშ [[დავით აღმაშენებელი|დავით აღმაშენებელიშ]] გაბედულ პოლიტიკაქ ჭიე-ჭიეთ გაგშეჸონჷ ქიანა გლახა მდგომარეობაშე. 1099 წანას დავით მაანთხაქ ხარკიშ მეჩამა მეუტუ სულთანს დო უკულ ქორთულ დიხეფიშ აკოძინას დო დორთინას მიკადირთჷ. გეჭოფჷ ზედაზენ, შიართჷ [[კახეთი|კახეთ]]-[[ჰერეთი|ჰერეთ]], [[სამშვილდე|სამშვილდე]], [[გიში|გიში]], [[რუსთავი|რუსთავი]], [[ლორე|ლორე]]. აგრესორეფიშ ხეს [[ქართი|ქართ]] დო [[დმანისიშ რაიონ|დმანის]] კინ სქჷდუდჷ. ოორუეს, [[საქორთუო|საქორთუოშ]], ათე ახალ სამხედრო დო პოლიტიკურ ძალაშ გორჩქინა, მუჟამს ბჟადაალს თურქეფ ახალგორჩქინელ ჯვაროსნულ სახენწჷფოეფს ოლიმუდეს, დიდო ოშკურანჯი რდჷ თინეფშო. [[თურქ-სელჩუკეფ|სელჩუკ]] დო [[არაბეფ|არაბ]] სახენწიფოეფქ ართიანწკჷმა კავშირ დოდვეს, მაართათ საქორთუოშა გეუშკუმალდესკო. მუჭოთ ჩქუ სულთან მაჰმუდ მაჟირას დო მუშ მოკავშირეეფს ოკოდეს კაპინერო მუსპუდესკო დავით მაანთახა, უკულ ოორუეშე თხილერეფ, აკოძინელ ძალეფით ჯვაროსნეფიშ წინაანდეგ მიდურდესმიდეშეს.