ფეისბუქი: გინორთი გინოჯინეფს შქას

'''ფეისბუქი''' ([[ინგლისური ნინა|ინგლ.]] Facebook) რე სოციალური რშვილი დო [[ვებსაიტი]]. ფეისბუქიქ დირსხუ 2004 წანაშ ფურთუთას დო რე Facebook, Inc-იშ დორხველობას. 2011 წანაშ მუნაჩემეფით, ფეისბუქის ჸუნც 600 მილიონიშ უმოს აქტიური მახვარებუ. მახვარებუეფს შეულებუნა პერსონალური პროფილიშ ღოლამა, შხვა მაკათურეფიშ გეძინა, მუჭოთ მაჸალეფინ თეშ, მესიჯეფიშ ჯღონა. მაკათურს შეულებუ აკათას რშვილს ნოღაშ, ოხანდებელი აბანიშ, წოფულაშ ვარდა რეგიონიშ მუნაჩემეფიშ მეჯინათ. მაკათურეფს შეულებუნა ართნერი ინტერესეფი უღუნ ფერი მახვარებუეფიშ ბუნას აკათანინ.

 

 

2009 წანაშ ღურთუთას [[Compete.com|Compete.com-ქ]] გჷმაბჟინუ რეიტინგი, ნამუშ მეჯინათ ფეისბუქი რდჷ არძოშ უმოსო გოფაჩილი სოციალური რშვილი თელქიანას. 2010 წანაშ გჷმათუთას [[ამერიკაშ აკოშქუმალირი შტატეფი|ამერიკაშ აკოშქუმალირი შტატეფს]] ფეისბუქის ჸუნდუ 135.1 გინმაძირაფალი. Social Media Today-შ მუნაჩემეფით, 2010 წანაშ პირელს ააშ-შ მახორობაშ 41.6% რდჷ ფეისბუქიშ მაკათური.