ლონდონი: გინორთი გინოჯინეფს შქას

ლონდონ რე დიდ ბრიტანეთიშ ფინანსურ ცენტრი დო თელქიანაშ ფინანსურ ცენტრეფშე ართ-ართი. ლონდონს ართ-ართი მაჷონაფალ აბან უკჷნებჷ თელქიანას მოდაშ ინდუსტრიას. ნოღას უღჷ ართ-ართ არძაშ უდიდაშ ოტრანსპორტე სისტემა. [[ჰითროუშ აეროპორტ|ჰითროუშ აეროპორტ]] ართ-ართ უდიდაშ რე თელქიანას მეშარეეფიშ მუდანობათ. ლონდონს რე თელქიანას არძაშ უმოს-480 უცხოურ ბანკ.

 

 

ლონდონიშ ზუსტ ეტიმოლოგია ვა რე ჩინებულ. თენა უჯვეშაშ ჯოხო რე დო ისტორიულ წყუეფს მა-2 ოშწანურაშე იშინუაფუ. 121 წანას ლონდონიუმ ჯოხო, მუთ რომაულ-ბრიტანულ აკნაწყორა ოკო რდას. 1899 წანაშა ლონდონ ხვალე ნოღას ჯოხოდჷ, უკულ თე ჯოხოქ გიფაჩ ოგრაფეშე დო კაბეტ ლონდონშე.

 

 

ლონდონს უჯვეშაშ ბრითონულ ოხორუეფ რდჷ აკოშაყარელ, მარა მაართა შხუ ოხორე იშენ რომაელეფიშ დჷნარცხუეფ რე ჩქ.წ. 43 წანას. ოხორექ რინელქ იჸუ ხვალე 17 წანას. 61 წანას თაქ იცენეფქ გამშაციეს დო იეფრელ დიხაწკჷმა გამანგეს. ნოღაშ უკულიან ეკონწყუალაქ მოხვად 100 წანას, მუჟამსჷთ კოლჩესტერქ ნოღა გეკჷდჷ დო მანწყუ, მუჭოთ [[რომიშ იმპერია|რომიშ]] ართ-ართ პროვინციაშ-ბრიტანიაშ ნანანოღა. ნოღაშ მახორობაქ მალას ქჷდიჭყჷ მოძინა დო მა-2 ოშწანურაშო 60.000 კოჩის მუკულუ.

 

 

მა-5 ოშწანურას რომიშ იმპერიაშ დონთხაფაწკჷმა ართო ლონდონქ მალას გიჩოლჷ. მა-6 ოშწანურაშე ანგლო-საქსეფიშ ლუნდევიქიშ მახორობაქ 12 000-ს ქიმიოჭირინდუ. მა-9 ოშწანურას ნოღას ვიკინგეფ იკჷნენა დო კჷნ რომაულ მახორობაშ ფარგლეფშა ორთინუანა.