ჩხოროწყუშ მუნიციპალიტეტი: გინორთი გინოჯინეფს შქას

ჩხოროწყუშ მუნიციპალიტეტიშ ტერიტორია ღმალიერი რე შხვადოშხვა სახეშ ორგეფაბალი ონთხურეფით. ოფუტე [[მუხური|მუხურს]] დიდი მუდანობათ რე დოლომიტიშ, კირქუაშ დო ანდეზიტ-ბაზალტიშ ობადე. ნერჩიშ მაკირიანებელო გჷმირინუაფუ ოფუტე [[თაია|თაიაშ]] აგრომადანეფი, ტკილი. მუნიციპალიტეტიშ ტერიტორიას რე ოკიდალი ინერტული მოღეეფი. ლუგელაშ ლეხერს იდვალუაფუ „ლუგელაშ“ მინერალური წყარიშ გჷშაულარი აბანი, მინერალური წყარი გჷმირინუაფუ ომკურნალებერო.

 

[[წყარმალუ|წყარმალუეფიშ]] რშვილი ფშხირი რე. მუნიციპალიტეტიშ ტერიტორიას თელ სიგჷნძას კვათჷნს წყარმალუ [[ხობწყარი|ხობწყარი]].

წყარმალუ ხობწყარი ოდუდეს ეჭოფუნს [[ეგრისიშ ქჷნდჷრი|ეგრისიშ ქჷნდჷრშე]], 154 კილომეტრიშ სიგინძაშ რე დო აკათუ [[უჩა ზუღა|უჩა ზუღას]]. გჷმირინუაფუ ოწყარალო. წყარმალუშ წყარპიჯეფს ეგაფილი რე მუნიციპალიტეტიშ ცენტრი [[ჩხოროწყუ|დაბა ჩხოროწყუ]]. მუში არძაშე უდიდაში ნადუ რე [[ოჩხომური (წყარმალუ)|ოჩხომური]], ნამუთ გუმურს [[ეგრისიშ ქჷნდჷრი|ეგრისიშ ქჷნდჷრიშ]] ობჟათე კართეშე. სიგინძა რე 47 კმ.