ფრანც კაფკა: გინორთი გინოჯინეფს შქას

|ჭარუ, <br /> ნოველისტი

ფრანც კაფკაქ დებადჷ [[1883]] წანაშ [[3 კვირკვე]]ს ნოღა [[პრაღა]]ს. მუმა – ჰერმან კაფკა (1852–1931) ურიულ ბადებაშ ჩეხი რდჷ. ნანა – იულია კაფკა (1856–1934). ჸუნდჷ ჟირი ჯიმა დო სუმი და. ჟირხოლო ჯიმაქ დოღურჷ თეიშახ, სოიშახ ჭარუ 6 წანერო გჷნირთჷდჷნ. 1889–1893 წანეფც კაფკა გურაფულენდჷ დაჭყაფურ სკოლას (Deutsche Knabenschule), თეშ უკული თიქ გჷნილჷ გიმნაზიაშა, ნამუთ 1901 წანას გაათუ. [[პრაღაშ უნივერსიტეტი]]შ თებაშ უკული, კაფკა ეთმეჭოფუნც სამართალიშ დოქტორიშ ხარისხის დო მუშობას იჭყანც სადაზღვიო ფირმას, სოდეთ რინაშ ლიაშახ მუშენდჷ. [[1917]] წანას კაფკაქ დელახჷ [[ტუბერკულოზი]]თ, მუდგაშ გეშათ [[1924]] წანაშ [[3 მანგი]]ს ჭარუქ შური გოტუ ვენაშ სანატორიუმც. რინაშ განწხანც კაფკაქ გჷმაბჟინუ გვალო მუსხირენი თხობელუა. ღურაშ წოხოლე ჭარუქ მუში მაჸალე ჭარუ [[ბროდი, მაქსი|მაქს ბროდის]] დუჩინჷ მუში ნაჭარეფიშ აკოსოფუა, მარა მაჸალექ თენა ვაქიმინჷ. დახე არძო ნაჭარაქ გჷმობჟინაფილქ იჸუ ჭარუშ ღურაშ უკული.

გიმნაზიაშ თებაშ უკული გურაფა აგჷნძორჷ [[პრაღაშ უნივერსიტეტი|პრაღაშ უნივერსიტეტის]] [[ქიმია|ქიმიაშ]] ფაკულტეტის, მორო ჟირი მარაშა სამართალიშ ფაკულტეტშა გჷნილჷ. თი ბორჯიშო იურისპრუდენცია პრესტიჟულ დო პერსპექტიულ დარგო იკოროცხჷდჷ, წორას ათეშენ ჰერმან კაფკაქ სქუაშ გჷნოჭყვიდირაფათ ბაღინაფილქ ქჷდოსქიდჷ. უნივერსიტეტის გურაფაშ პერიოდის მუმალ ჭარუს ბრელი დუდიშული ბორჯი უღუდჷ, მუდგაქჷთ შარა გოუნწყჷ ქჷდუგურუაფუდჷკო ხელუანობაშ ისტორია. მალას თიქ სტუდენტურ კლუბის ქაკათჷ, ნამუთ ლიტერატურულ ონჯუეფც მანჯჷნდჷნ. მაართა კურსიშ ლიას კაფკაქ აკოხვადჷ მაქს ბროდის, თაშნეშე მუმალ ჭარუს, მიქჷთ მუში უხოლაში მაჸალეთ გჷნირთჷ ჟურნალისტ ფელიქს უელსწკჷმა ართო.

ჭარუშ მაართან ჸოროფა, მუჭოთ ბიოგრაფეფშო რე ჩინებულინ, რდჷ მილენა ჯეშენსკა, [[ჩეხეფი|ჩეხი]] პროფესორიშ ოსურსქუა. თინაქ ბრუო თუთა მუკორთჷ ფსიქიატრიულ ოლეხეს მუმაშა ფარაშ მეხირუაშენი, ნამუსჷთ უკული მუში ოჸოროფულეფც არზენდჷნ. ოლეხეშე დუდიშ გჷშაღალაშენო თიქ ჩილო მიდაჸუნჷ გერმანულნინამ ურიას ერნსტ პოლაკის. უღულქ [[ვენა]]ს ქჷდიხორჷ. პრობლემეფქ თინეფიშ ართოიანი რინას მალასჷნე გორჩქინდჷ დო ქომონჯიშე მიწოჸოთამილ მილენაქ კოკაინც მიანძალჷ, მორო მალას ქჷმეხვადჷ ნამდა უთინუ შარას გერდჷნ დო გეგნოჭყვიდჷ [[ჟურნალისტი|ჟურნალისტობაშა]] ქჷმუთხუმუდჷკო ხე. [[1919]] წანას, კაფკაშ მუსხირენი თხობელუაშ (ჭარუქ მუში თელარას ხვალე მუსხირენი თინეფშეიანი გჷმაბჟინუ) კითხირიშ უკული, ქჷმეჭარჷ თის, სოდეთ თინეფიშ ჩეხურო გჷნოთანგუაშ ალობას თხულენდჷ. თე მინაჭარას მაჸუნჷ ინტენსიური მეჭარ-მოჭარუაქ ფრანცი დო მილენა შქას. მორო საბოლათ თინეფიშ მეჭარ-მოჭარუა ვაგაგჷნძორებე, რახან მილენას ვაკოდჷ ქომონჯიშ დათხია დო ვართ კაფკას გჷმურჩქინუ ინიციატივა. მოგვიანაფილო, [[1944]] წანას, მილენაქ ნაცისტეფიშ ოკონცენტრაციე კარეს დოღურჷ.

* [http://www.digbib.org/Franz_Kafka_1883/ კაფკაშ ნაწარმონებეფი გერმანულ ნინაშა]