პლინიუს უნჩაში: გინორთი გინოჯინეფს შქას

[[45]] წანას, გურაფაშ თებაშ უკული, პლინიუსიქ ოცხენენდე მოინალობა დიჭყჷ [[გალია]]ს და [[ბელგია]]ს, სოდეთ თინა ტრიბუნი რდჷ. ახალნორდი კოჩიშო თე ოინალუ რდჷ გჷნმალი ოკუჩხალე [[ცხენენდეფიშ კლასი|ცხენენდობაშა]] ვარა [[სენატორეფიშ კლასი|სენატორობაშა]]. [[47]] წანას თინა ოკათჷდჷ გერმანულ ტომს, ხავკეფწკჷმა ჩხუპეფც დო წყარმალუ [[რეინი|რეინი]] დო [[მაასი|მაასიშ]] შქას არხიშ კიდანჯუას. 50-ამ წანეფიშ დოჭყაფუს თინა აგჷნძორენდჷ გერმანულ ლეგიონც ინალუას, ოკათჷდჷ ბრელი შანულამ ჩხუპის. თე პერიოდის თიქ ჭარჷ მაართა ტრაქტატი ცხენენდიშით შუფიშ ჸოთამაშენი, ნამუსჷთ ჩქინდა ვამაჭირინუ. რეინიშ არმიას ინალუაბორჯის თიქ ჭარჷ ამდღარშო ჩინებული ნახანდი "გერმანალეფიშ ისტორია". თე პერიოდისჷნე თიქ გეჩინებაფუ დო დეხოლჷ [[ტიტუსი|ტიტუს ფლავიუსის]], მუმალი იმპერატორიშ, [[ვესპასიანე ფლავიუსი]]შ ბოშის.

[[59]] წანას პლინიუსიქ რომშა დირთჷ. თიშ უმკუჯინუო, ნამდა თინა უკვე დოინალაფირი ვეტერანი დო ჭარუ რდჷნ, თე პერიოდის თიშო კარიერული რდუალა ლექინი ვაჸოფე. იმპერატორ [[ნერონი]]შ მუკი-მუკი უმენტაშო ხელუანი კათა რდჷ დო ვართ ჸოფილი ცხენენდეფი. წორას თენა ოკო ორდას ართ-ართი ბაძაძი თიშ, მუდგაშენით ვადიჭყჷ პლინიუსიქ ოჯარალუ ინალუან. თე პერიოდის ედომუშამი ბორჯის პლინიუსი წინგეფც უჯღუნანდჷ. თინა ირო კითხულენდჷ ვარა ჭკორეფც ოკითხირაფუანდჷ, სადილობაბორჯის, შარას დო ობონუსჷთ. მუჭოთ მუში დასქუაშ ნაჭარეფშე რე ჩინებულინ, პლინიუსი ფუჭეთ დინაფილო მირჩქინანდჷ ირი მერქას, მუჟამცჷთ მუდგენი ახალც ვაგურაფულენდჷნ. ირი კითხირელი წინგშე თინა ეშნაჭარეფც დო მერჩქინუეფც ორთჷდჷ. თე პეროდის თიქ ბრელი წინგი გჷმაბჟინუ შხვადოშხვა თემაშე.

[[Fileფაილი:Vespasianus03 pushkin.jpg|thumb| ვესპასიანეშ ბიუსტი, [[პუშკინიშ მუზეუმი]], [[მოსკოვი]].]]

[[69]] წანას პლინიუსიშ რინაქ ედომუშამო დითირუ. მაართა რანწკის, [[68]] წანაშ ბოლოს იმპერატორ ნერონც [[რომიშ სენატი|სენატიქჷთ]] დო [[პრეტორიანული გვარდია|პრეტორიანელეფქჷთ]] ეარყჷ. თეშ გეშა იმპერატორქ დუდი დიჸვილჷ. კჷნე თი წანას ართმაჟირაშ მეჸუნაფილო ოხვენჯიშა ეშართჷ დო უკული ჸვილეს 3 იმპერატორი. რანწკით მაანთხა იმპერატორო გჷნირთჷ პლინიუსიშ მაჸალეშ მუმაქ [[ვესპასიანე]]ქ. წორას თექ გაპიჯალუ პლინიუსიშ კარიერული წჷმიულა. [[70]] წანას თიქ გჷნირთჷ [[პროკურატორი|პროკურატორო]] გალიას, [[72]] წანას აფრიკას, [[73]] წაანს ესპანეთის დო [[75]] წანას ბელგიურ გალიას.

[[79]] წანაშ [[მარაშინათუთა]]ს პლინიუსი, მუში და დო დასქუა მისენიუმც ორდეს. [[24 მარაშინათუთა]]ს პლინიაქ ქოძირჷ ზუღაშ მელე [[ვეზუვი]]შ გვალას ედგინელი ფსქელი კუმაშ სჷმეტი დო ჯიმას ქჷდოუძახჷ. თი ბორჯის რომალეფს დიო მუთუნი ვა უჩქუდეს [[ვულკანი|ვულკანეფიშ]] გეშა. თეშნერი უმურჩქვანუ ჸოფირებაქ პლინიუსიშ თოჸუჯით ქჷმკიჭოფჷ, ნამუსჷთ, უჩოლამობუობაშ უმკუჯინუო, ჭარილი აფუდჷ ფუნდამენტალური ნახანდი „[[ორთაშ ისტორია (პლინიუსი)|ორთაშ ისტორია]]“. თე ჸოფირებაშა ხოლოშე თოჸუჯიშ მიორინაფალო თიქ ფეიკარას ხვამარდიშ გახაზირება ზოჯჷ. პლინიუსის დასქუაშ ჸონაფა ხოლო ოკოდჷ, მორო თე ეკონიაქ გურაფა ისხუნუ. თე ბორჯის ქჷმორთჷ ჩინებაქ ნამდა [[პომპეი]]შ მახორობას ვულკანშე გლახა მელუდჷნ, ათეშენ პლინიუსიქ ხვალე ვეშარჷ ვეზუვიჸურე, ვარინ ნიშუობა ხოლო გოუტუ მახორობაშ ევაკუაციაშო. ბორიაშ გეშა თის პომპეიშა ვა მიაჭირინუ დო გაჩენდჷ სტაბიას, სოდეთ მაჸალეშ ჸუდეს გითისერუ. მაჟირა დღას თიქ ეშაგორგოთუაშ ზონას მიახოლჷ, უჯგუშო გეუჭარუდჷკო თინან დო ქოთ ქიგიოღურჷ, ორჩანიეთ მუმაწამალარი გაზეფიშ გეშა.

რეინიშ არმიას ინალუაბორჯის გერმანულ ტომეფიშენ ეჭოფილი რჩქინა დო გომორსაფილობა პლინიუსიქ აკოძინჷ ნახანდის ''გერმანალეფიშ ისტორია'', ნამუქჷთ 20 ტომო გჷშეშქვინჷ. თი ბორჯიშო თე ნაწარმონების უდიდაში შანულობა უღუდჷ, თის მოგვიანაფილო ირინუანდჷ [[პუბლიუს კორნელიუს ტაციტუსი]], ნამუთ თაშნეშე ჭარჷნდჷ გერმანალეფიშ ისტორიას.