მოსოფელიშ მონძალა: გინორთი გინოჯინეფს შქას

საგებიო მონძეობაშ ერკებულს ხვადუნა ხვალე თი ქილინჯეფი, ნამუეფსუთ კომისიაშ აზჷრით უნივერსალური შანულობა უღუნა ისტორიაშ, ხელობუაში დო მენცარეფიშ თოლარზით. გიშაგორუაშ გინოჭყვადუაწკუმა გოთოლწონაფილი იჸუაფუ ქილინჯიშ ორიგინალურობა, აუთენტურობა (ისტორიული თახმობუა) დო თიში ართიანალა. თეშ გალე ქილინჯი ოკო ობაღინუანდას [[იუნესკო]]შ ართ ვარა მუსხირენ კრიტერიუმს ვითიშე. [[2005]] წანაშ დოჭყაფუშახ კულტურული დო ორთაშ ქილინჯეფიშო კრიტერიუმეფი ზოხო–ზოხო რდჷ, 2005 წანაშ უკული არძა ქილინჯიშო ომიშურიოართე კრიტერიუმეფქ აკომუშაფილქ იჸუ . თეშ გურშენიე, ნამუდა გიშაგორილი ქილინჯეფიშ უმენტაშობა ობაღინუანს ხვალე ვარა მაართა 6 კრიტერიუმს (i –vi) ვარა ხვალე ეკონია ოთხის (vii–x). მარა, 26 ქილინჯი რე თიცალი (აკოწყორილი ტიპიშ), ნამუთ ობაღინუანს კრიტერიუმეფს ჟირხოლო ნორთიშე.