ბოსნია დო ჰერცეგოვინა: გინორთი გინოჯინეფს შქას

[[1945]] წანაშე რდჷ [[იუგოსლავია|იუგოსლავიაშ ფედერაციაშა]] მიშმაულარი ართ-ართი რესპუბლიკა. [[1990]] წანაშ ეშასხუნუეფიშ უკული ოდუდეშა ნაციონალისტეფქ ქუმორთეს. სერბულ-ხორვატულ კონფლიქტიქ გიფაჩ ბოსნიაშ ტერიტორიას ხოლო დო [[1991]] წანას სერბეფიშ არმიაქ დეკინჷ მოხურგე რაიონეფი. რესპუბლიკაქ გაგმაცხადჷ სუვერენიტეტი, მუსუთ წოხლე აწუდირთჷ სერბი მახორობაქ. გეტირხ კონფლიქტიქ. [[1992]] წანას ევროკავშირქ დო [[ააშ]]-ქ გაგმაცხადჷ ბოსნია-ჰერცეგოვინაშ ზოხორინელობა. თიმ წანას მიღებულქ იუიჸუ გოართოიანაფილი ერეფიშ ორგანიზაციაშ აკოდგინელობაშა. გოართოიანაფილი ერეფიშ ორგანიზაციაშ დო [[ნატო|ნატოშ]] ჩარიებაშ უკული მიხერხინ კონფლიქტიშ გაჩემებაქ. [[1997]] წანს ჩეტარ მიარეერუანულ ეშასხუნუეფქ. ლჷმაშ თებაშე 10 წანაშ უკულ ხოლო ვარე მოწესრიგებული ურთიერთობები ეთნიკურ ბუნეფს შქას, ეკონომიკა ტომბა კრიზისის რე. დეიტონიშ აპიჯაფათ თაქ ფაქტიურო გოართოიანაფილი ერეფიშ ორგანიზაციაშ პროტექტორატი რე. ოერეფოშქარე კონტროლიშ მონწყჷმაშ შემთხვევას, ფედერაციაშ სუბიექტეფი ოეგებიეთ ართიანს დეთხიებუნა, თიშენ, ნამდა სეპარატისტული ტენდენციეფი ძალიერი რე.