მესტიაშ მუნიციპალიტეტი

მესტიაშ მუნიციპალიტეტი — ადმინისტრაციულ-ტერიტორიული რაიონი სამარგალო-ჟიმოლენ შონეშ აკანს. რაიონიშ ტერიტორია 1917-შახ ქუთეშიშ გუბერნიაშა შონეშ საბოქაულოშ ჯოხოთ მიშმეშჷ, 1921 წანაშე — ჟიმოლენი შონეშ მაზრა, 1930 წანაშე — მესტიაშ მუნიციპალიტეტი.

მესტიაშ მუნიციპალიტეტი
შილა	გერბი
მესტიაშ მუნიციპალიტეტი
ქიანა	საქორთუო
რეგიონი	სამარგალო-ჟიმოლენი შონე
ადმინისტრაციული ცენტრი	მესტია
მახორობა	9316 კოჩი (2014)
ფართობი	3044 კმ²
დეპუტატი პარლამენტის
ერუანობა	ქორთუეფი 99,82 % რუსეფი 0,12 %
ვებ-ხასჷლა	www.mestia.ge Archived 2016-04-01 ვებ-ხასჷლას Wayback Machine.

ორთა

მესტიაშ მუნიციპალიტეტი მაღალგვალამი რე. თიშ ტერიტორიას არსებული შხუ ოროგრაფიული ართურეფი რე: კავკაციონიშ თარი წყარგჷმართუ ქჷნდჷრი, შონეშ ქჷნდჷრი, ეგრისიშ ქჷნდჷრი, კოდორიშ ქჷნდჷრიშ ნორთი დო წყარმალუ ინგირწყარიშ ლეხერი. ტერიტორია — 3045 კვ.კმ., თინეფს შქას ოფუტე-ომეურნე ორგებელ დიხეფს უკებჷ 1010 კვ.კმ. რაიონს 200-შახ ჯიშთი რე, ნამუშ ედომუშამი ფართობი რე 285 კვ.კმ. თარი წყარმალუ რე ინგირწყარი, თიში ნადუეფი — ადიშისჭალა, მულხრა, დოლრა, ნენსკრა, იფარი, ხაიშურა დო შხვა. თარი დინოხურიშული სიდიდარა რე ბარიტი, მარმარილო, ტყვია-თუთია, მინერალური წყარეფი.

მახორობა

მახორობაშ მუდანობა — 9316 ადამიერი; მეჭედალა — 3,06 კოჩი კვ.კმ-ის (2014). მუნიციპალიტეტის 153 დოხორელი პუნქტი რე: 1 დაბა დო 152 ოფუტე.

ეჭარუაშ მუნაჩემეფი

ეჭარუაშ წანა	მახორობა
1989	14 776
2002	14 261
2014	9316

აბანობური დუდმართუალა

მუნიციპალიტეტიშ აბანობური დუდმართუალაშ უმაღალაში ორგანო რე საკრებულო, ემაჸონაფალი პოსტიშ პიჯი — გამგებელი. მართუალაშ ტერიტორიული ორგანოეფი რე:

• 1 დაბა — მესტია;
• 15 თემი — ბეჩო, ეცერი, იფარი, კალა, ლატალი, ლახამულა, ლენჯერი, მულახი, ნაკრა, უშგული, ფარი, ცხუმარი, წვირმი, ჭუბერი, ხაიში.

ეკონომიკა

კონწარი კლიმატიშ დო გვალამი რელიეფიშ გეშა უმენტაშო გოვითარაფილი რე მეჩხოლარობა, ნამუთ შანულამი ოჩამალი ბაზა რე ორთაშობურ ოცალარ-ოდიარე. მორჩლი მუდანობათ ითასუ წკარული კულტურეფი დო კარტოფილი. მესტიაშ მუნიციპალიტეტი ტურიზმიშ დო ალპინიზმიშ ორენი რე — თაქ გინმურს მაღალგვალამი ტურისტული მარშრუტეფი ნაკრაშ, ბეჩოშ, ლეხზირაშ დო ლატფარიშ ჸალაიბონეფს.

კულტურა

მუნიციპალიტეტის 51 სახენწჷფო ზოგადოგონათუე სკოლა, 43 ბიბლიოთეკა, კუნთხრქინალაშ მუზეუმი რე.

ოქინაფუეფი

მესტიაშ მუნიციპალიტეტიშ ხუროთმონძღავრუაშ დო ეთნოგრაფიაშ ოქინაფუ ძეგლეფი რე შქა ოშწანურეფიშ საკულტო, საერო და დუდოთხილუე დგჷმილეფი. ეიოშინალი რე ადიშიშ, იელიშ, სვიფიშ, წვირმიშ, ჟაბეშიშ ოხვამეეფი, ოხიდეეფი, შონური ყორშეფი.

რესურსეფი ინტერნეტის

ვიკიოწკარუეს^? რე ხასჷლა თემაშენ:

მესტიაშ მუნიციპალიტეტი

• მესტიაშ მუნიციპალიტეტის დუდმართუალა Archived 2016-04-01 ვებ-ხასჷლას Wayback Machine.