სუკარნო
სუკარნო, დაბადებაშ ჯოხო კუსნო სოსროდიჰარდჯო (ინდონეზ. Sukarno; დ. 6 მანგი, 1901 — ღ. 21 მანგი, 1970) — ინდონეზიარი სახენწჷფო მოღალე, ორატორი, რევოლუციონერი, ნაციონალისტი პოლიტიკოსი, ინდონეზიაშ მაართა პრეზიდენტი 1945-1967 წანეფს.
| სუკარნო | ||
 ოფიციალური პორტრეტი, 1949 წ. | ||
| ინდონეზიაშ 1-ა პრეზიდენტი | ||
|---|---|---|
| პოსტის გერინაშ ბორჯი | ||
| 18 მარაშინათუთა, 1945 – 12 მელახი, 1967 | ||
| ვიცე-პრეზიდენტი | მოჰამად ჰატა (1945-1956) | |
| წიმოხონი | პოსტიქ გიჭყჷ | |
| მონძე | სუჰარტო | |
| პოსტის გერინაშ ბორჯი | ||
| 17 ქირსეთუთა, 1949 – 17 მარაშინათუთა, 1950 | ||
| ვიცე-პრეზიდენტი | მოჰამად ჰატა | |
| პრემიერ-მინისტრი | მოჰამად ჰატა | |
| წიმოხონი | პოსტიქ გიჭყჷ | |
| მონძე | პოსტიქ გეუქვჷ | |
| პოსტის გერინაშ ბორჯი | ||
| 9 კვირკვე, 1959 – 25 კვირკვე, 1966 | ||
| პრეზიდენტი | მუ | |
| წიმოხონი | ჯუანდა კარტავიჯაია | |
| მონძე | სუჰარტო (მუჭოთ პრეზიდიუმიშ კაბინეტიშ დუდმახვენჯი) | |
| დუნაბადი | 6 მანგი, 1901 სურაბაია, ჰოლანდიაშ ოსტინდოეთი | |
| ნაღურა | მანგი 21, 1970 (69 წანერი) ჯაკარტა, ინდონეზია | |
| მენოღალობა |  ინდონეზია | |
| პოლიტიკური პარტია | ინდონეზიაშ ერუანული პარტია (1927-1931) დუდიშული პოლიტიკოსი | |
| მუმა | სუკემი სოსროდიჰარდჯო | |
| ნანა | იდა აიუ ნიომან რაი | |
| ალმასქუ | სიტი უტარი, ინგიტ გარნასი, ფატმავატი, სიტი ჰარტინი, ვისმა სუსანა სირეგარი, სალიკუ მესარო, კარტინი მანოპო, დევი სუკარნო, ჰარიატი, ამელია დე ლა რამა, იურიკე სანგერი, ჰელდი ჯაფარი | |
| სქუალეფი | 14 (რუკმინი, მეგავატი, რაჩმავატი, სუკმავატი დო შხვეფი) | |
| გონათაფა | ბანდუნგიშ ტექნოლოგიაშ ინსტიტუტი | |
| საქვარუა | ინჟინერი, პოლიტიკოსი | |
| ხეშმოჭარუა |  | |
სუკარნო ხემანჯღვერენდჷ ინდონეზიარეფიშ ლჷმას დუდშულობაშო. ჰოლანდიარი კოლონიზატორეფქ სუკარნო ოჭოფეს დო ჯიხას ქუდახუნეს. მაჟირა მოსოფელიშ ლჷმას, იაპონიარეფიშ მიშაჭკირუაშ უკულ, სუკარნო გადუდიშულეს. იაპონარეფიშ ალარინათ, სუკარნოქ დო თიში პოლიტიკური მოხუჯეეფქ განძალიერეს ნაციონალისტური იდეეფი. მაჟირა მოსოფელიშ ლჷმას იაპონიაშ მარცხიშ უკულ, სუკარნოქ დო მოჰამად ჰატაქ, 1945 წანაშ 17 მარაშინათუთას ინდონეზიაშ ზოხორინელობა გეგმაცხადეს. სუკარნოქ გინირთჷ ზოხორინელი ინდონეზიაშ მაართა პრეზიდენტო. ჰოლანდიარი კოლონიზატორეფი იშენ ოცადუდეს ინდონეზიაშ დოჸუნაფას, მარა უშედეგეთ. სუკარნო დო თიში მაჸალეეფი ეფექტურო დო ნძალიერო აწურდეს კოლონიზატორეფიშ ჸათე ცადებეფს. შედეგო, 1949 წანას ჰოლანდიარეფქ ინდონეზიაშ ზოხორინელობა ქიჩინეს.
სუკარნოქ, მუში მართუალაშ ბორჯის გაჭყჷ ავტოკრატიული სისტემა დო გასურჷ ქიანაშ ვასტაბილურობაშ პერიოდი. 1960-იან წანეფიშე სუკარნო მეთხოზუდჷ აგრესიული გალენური პოლიტიკას, აწურდჷ ანტი-იმპერიალიზმის დო ხუჯი დუკინჷ უგინობირაფუობაშ ყარაფის. სუკარნოშ პოლიტიკაშ შედეგო გეუფრაშჷ ურთიართალაქ ბჟადალიშ ქიანეფწკჷმა დო ინდონეზიაქ უმოსო დეხოლჷ სხუნუეთის. 1965 წანაშ მოლინეფიშ უკუ ხეშულობაქ ჭიეჭიეთ გეგნორთჷ გოლინიანი გენერალი სუჰარტოშა. უკულიანი პერიოდის ქიდიჭყჷ რეპრესიეფქ მეკვარჩხანეეფიშ, გიშაკერზაფილო კომუნისტეფიშ მეხჷ. 1967 წანას სუჰარტოქ ოფიციალურო დოთირუ სუკარნო დო გინირთჷ ინდონეზიაშ პრეზიდენტო. სუკარნოქ ღურუ 1970 წანაშ 21 მანგის, 69 წანერქ. სუკარნოშ ცირასქუა მეგავატი სუკარნოპუტრი 2001-2004 წანეფს მოღალენდჷ ინდონეზიაშ პრეზიდენტო.