სულა
ლუციუს კორნელიუს სულა ფელიქსი (ლათ. Lucius Cornelius Sulla Felix, დ. ჯვ. წ. 138 — ღ. ჯვ. წ. 78) — რომალი ოურდუმე დო სახენწჷფო მოღალე, მაართა ადამიერი რომიშ რესპუბლიკას, ნამუქჷთ ხეშულობა ხეშა ეშეჸოთუ ნძალაშ გჷმორინაფათ. სულას შხვადოშხვა ბორჯის უკინებუდჷ ლეგატიშ, კონსულიშ, პროკონსულიშ პოსტეფი. შანულამი წჷმოძინეფს მიოჭირინუ ოურდუმე კამპანიეფით. პოპულარობა მიპალუ ნუმიდიარეფიწკჷმა ლჷმეფით. დამარცხჷ დო ტყვეთ ხეშა ქაშეჸოთუ ნუმიდიაშ მაფა იუგურტა. სულა თაშნეშე მონაწილენდჷ კიმბრული დო მორსხუუეფიშ ლჷმეფს. ნოლაშ ბურჯაფის გიმირჩქინჷ დუდი დო ჸათეშ გეშათ გინოჩეს დელოშ გურგინი.
| ლუციუს კორნელიუს სულა ფელიქსი ლათ. Lucius Cornelius Sulla Felix | ||
.jpg) სულაშ პორტრეტი ჯვ.წ. 54 წანაშ მუნაჭკირა დენარს | ||
| რომიშ დიქტატორი | ||
|---|---|---|
| პოსტის გერინაშ ბორჯი | ||
| ჯვ. წ. 82 წანა – ჯვ. წ. 79 წანა | ||
| დუნაბადი | ჯვ. წ. 138 | |
| ნაღურა | ჯვ. წ. 78 (60 წანერი) პუტეოლი, იტალია | |
| ალმასქუ | 1. იულია კორნელია 2. აელია 3. კლოელია 4. ცეცილია მეტელა 5. ვალერია მესალა | |
| სქუალეფი | ლუციუს კორნელიუს სულა კორნელია სულა ფაუსტუს კორნელიუს სულა ფაუსტა კორნელია კორნელია პოსტუმა | |
| ჯილდოეფი | დელოშ გურგინი | |
სულაქ არსულჷ კაბეტი როლი ოპტიმატეფიშ დო პოპულარეფიშ პოლიტიკური კონფლიქტის. რდჷ ოპტიმატეფიშ ბუნაშ ლიდერი დო თხილანდჷ რომიშ სენატიშ პოზიციეფს პოპულარეფიშ (ლიდერი გაიუს მარიუსი) პოპულისტური რეფორმეფიშ მეხჷ.
დუდშე, მითრიდატე VI ევპატორი-შ მეხჷ ოურდუმე კამპანიაშ მანჯღვერთარო რომიშ სენატიქ სულა ქჷდარინუ, მარა მალას მარიუსიშ ინტრიგეფიშ შედეგო, სულას ყათე პოზიცია გეგლანწყეს. სულაქ აკოშაყარუ მუში ელმარენჯი აკოანჯარაფილი ნძალეფი დო რომიშა მიშელჷ დო ლიმას ორჯგინჷ მარიუსიშ ნძალეფს. უკულ თიქ მუში არმიათ აზიაშა გეგნორთჷ, ჸათეთ უცფას ქისარგებლეს პოპულარეფქ დო ხეშულობა ხეშე ქეშეჸოთეს. ჯვ. წ. 82 წანას ბჟაეიოლიშე დირთჷ სულაქ გომორძგვილო, კინ გემშართჷ რომშა, მოჯალაგუ პოპულარეფი დო თინეფიშ იტალიარი მორსხუეეფი. უკულ სულაქ დუდშე გაჭყჷ რომიშ დიქტატორიშ პოსტი, ნამუთ დოხოლაფირო ართი ოშწანურაშ გოძვენას, მაჟირა პუნიკური ლჷმაშ პერიოდიშე უმოქმენდო რდჷ. ხეშულობაშ ეფექტური კონსოლიდაციაშ უკულ, სულაქ გამათხოზჷ პოლიტიკური ოპონენტეფს. ბრელი დოჸვილეს, ნამთინე გეგნახორეს დო თინეფიშ ქონებას კონფისკაცია გუკეთეს. სულაქ ატარჷ რომიშ კონსტიტუციური კანონეფიშ რეფორმა, განძალიერჷ სენატი დო დადაღარჷ პლებეეფიშ ტრიბუნეფიშ ნებეფი.
ჯვ.წ. 79 წანას, სულაქ დიქტატორობაშე გეგნოდირთჷ დო ართი წანაშ უკულ ჯვ. წ. 78 წანას დოღურჷ.
ლიტერატურა
რედაქტირაფა- Keaveney, Arthur (2005) [First ed. 1982]. Sulla: The Last Republican (2nd ed.). London: Routledge.