სუპერმენი
სუპერმენი (ინგლ. Superman) — DC კომიქსეფიშ გჷმოგონილი სუპერგერგეზი, დირსხუ 1936 წანას, მაჸალეეფიშ ჯო შუსტერიშ დო ჯერი სიგელიშე. სუპერმენიშ კომიქსეფს მუშობას ოკათჷდეს თიჯგურა ჩინებული ადამიერეფი, მუჭომეფით ემონდ ჰამილტონი დო ალფრედ ბესტერი რენა.
| სუპერმენი | ||||||||||||||
| ისტორია | ||||||||||||||
| ||||||||||||||
გორჩქინა
რედაქტირაფა1938 წანაშ მანგის გიმორჩქინდჷ სუპერმენიშ მაართა კომიქსიქ. სუპერმენი სამართლიანობაშო მალჷმორი გერგეზი რე. თინა ურცხოპლანეტური ცივილიზაციაშ თური რე. თიში პლანეტა ქრიპტონქ ეფეთქჷ, მარა თიში მასქერეფქ თინა კაფსულას ქინახუნეს დო დიხაუჩაჸურე გოუტუეს. თიში დიხაუჩარი მასქერეფი რენა მარტა დო ჯონათან კენტეფი, დიხაუჩარ მასქერეფქ კალ-ელს ჯოხო დოუთირეს დო თიში მინალა დოფულეს, თქუეს, ნამჷ-და თინა ბაღანეფიშ ჸუდეშე ეჭოფეს. სუპერმენი ლემ-ჭითა კოსტუმს რე გუმონწყილი, ნამუსჷთ კიდირს გიგანტური ასო „ს“ ოსქვანს. მუთუნნერი ანჯარი თის ვაჭოფუნს. თიში ჸვილუა ხვალე ქრიპტონიშ ქუას შეულებჷ, თე რადიოაქტიურ ნივთიერებაქ სუპერმენიშ პლანეტაშე დიხაუჩას მოხვადჷ დო ომაღურე რე სუპერმენშო, ადამიერშა თიში ჟიმოქიმინჯალა მუტირაფას გიმიჭანუანს.
ნძალეფი დო შელებეფი
რედაქტირაფაედომშამი ხეუმუთხუმუობა (ქრიპტონიტს ვაპკოროცხუნთ-და), რენტგენიშ ჯინა, ლაზერული მიკოჯინა, სუპერნძალა, სუპერსიმალე, სუპერრეაქცია, ფურინუაშ უნარი, შურიშ ღალაშ დიდხანს აკოჭოფუაშ უნარი, ჟირჩქილა, დიდი ინტელექტი.
აწმარენჯეეფი
რედაქტირაფაფილმეფი სუპერმენიშ გეშა
რედაქტირაფა- სუპერმენი (1948 წ.)
- სუპერმენი (1978 წ.)
- სუპერმენი 2 (1980 წ.)
- სუპერმენი 3 (1983 წ.)
- სუპერმენი IV: ლჷმა ოქიანუშო (1987 წ.)
- ლუისი დო კლარკი: სუპერმენიშ ახალი დუდსგინნაველეფი (ტელესერიალი) (1993—1997 წანეფი.)
- სმოლვილი (2001—2011 წანეფი.)
- სუპერმენიშ დორთინა (ფილმი) (2006 წ.)
სუპერმენიშ როლს ასრულენდეს
რედაქტირაფარესურსეფი ინტერნეტის
რედაქტირაფა- სუპერმენიშ ოფიციალური ხასჷლა
- Golden Age Archived 2019-11-21 ვებ-ხასჷლას Wayback Machine. , Silver Age Archived 2019-11-06 ვებ-ხასჷლას Wayback Machine. დო Modern Age Archived 2019-11-21 ვებ-ხასჷლას Wayback Machine. მუნაჩამეფიშ ბაზა სუპერმენიშ გეშა
- [1]
- Superman Through the Ages