ტეუელჩე
ტეუელჩეშ კათა (მაპუდუნგუნიშ ნინაშა „შხაფილ კათა“) – ოართე ჯოხო ჭიჭე ტომეფიშ, ნამუეფით ოხორანა პატაგონიას, პამპაშ რეგიონიშ ობჟათე ნორთის. თინეფც თაშნეშე პატაგონეფსჷთ უძახჷნა.
ვარაუდენა, ნამდა ობჟათე ამერიკაშ ევროპალი ორდული მარკვიაფალეფიშ მუნათხობელუეფი პატაგონეფშე, თაქ მახორუ გიგანტური ადამიერეფიშ გეშა, გვალო ტეუელჩეშ კათას გურიშხონარენდჷ, რახან თინეფი მართალო დასაბაღო მაღალეფი რენა (ოშქაშე სიმაღალა 180 სმ). 2001 წანაშ ეჭარუაშ მუნაჩემეფით, თაქ ოხორანდჷ 4,300 ტეუელჩე.