ტომას სტარზლი
ტომას ერლ სტარზლი (ინგლ. Thomas Earl Starzl; დ. 11 მელახი, 1926, ლე-მარსი, აიოვა, ააშ — ღ. 4 მელახი, 2017, პიტსბურგი, პენსილვანია, ააშ) — ამერიკალი მენცარი დო ტრანსპლანტოლოგი, მაართა ექიმი ნამუქჷთ აკეთჷ ადამიერიშ ჩხონჩხიშ ტრანსპლანტაცია. შინელი რე მუჭოთ ტრანსპლანტოლოგიაშ მუმა. სტარზლი გურაფულენდჷ ვესტმინსტერიშ კოლეჯის, სოდეთ მიპალუ ბაკალავრიშ ხარისხი ბიოლოგიას. უკულ გურაფა გაგინძორჷ ოორუე-ბჟადალიშ უნივერსიტეტის, ჩიკაგოს, სოდეთ მიპალუ დიო მაგისტრიშ ხარისხი ანატომიას დო უკულ დოქტორიშ ხარისხი ნეიროფიზიოლოგიას. გურაფაშ თებაშ უკულ მუშენდჷ ჯონ ჰოპკინსიშ ჰოსპიტალს, ბალტიმორს დო ჯეკსონიშ მემორიალურ ჰოსპიტალს, მაიამის. 1962-1981 წანეფს ტომას სტარზლი მუშენდჷ კოლორადოშ უნივერსიტეტის. კოლორადოშ უნივერსიტეტიშ ჰოსპიტალს აკეთჷ სტარზლიქ ჩხონჩხიშ ტრანსპლანტაცია პირველო, 1963 წანას. 1981 წანას ტომას სტარზლიქ ომუშებუშა გინილჷ პიტსბურგიშ უნივერსიტეტიშა, სოდეთ რდჷ უნივერსიტეტიშ მედიცინაშ სკოლაშ ქირურგიაშ პროფესორი. ტომას სტარზლი რდჷ შხვადოშხვა პრემიეფიშ დო ჯილდოეფიშ ლაურეატი. 2006 წანას ამერიკაშ პრეზიდენტიქ ჯორჯ უოლკერ ბუშიქ ტომას სტარზლის გინოჩჷ მენცარობაშ ერუანული მენდალი. სტარზლი რდჷ მოსოფელიშ 26 უნივერსიტეტიშ საპატიო დოქტორი. ღურუ 2017 წანაშ 4 მელახის, პენსილვანიაშ ნოღა პიტსბურგის, 90 წანერქ.
| ტომას სტარზლი | |
| ინგლ. Thomas Starzl | |
.jpg) | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 4, 2017 (90 წანერი) |
| ღურაშ აბანი: |
პიტსბურგი, პენსილვანია, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
მაფა ფეისალიშ პრემია (2001) |
