ტრენტო (იტალ. Trento; გერმ. Trient) — ნოღა ოორუე იტალიას, წყარმალუ ადიჯეშ ლეხერს, ტრენტინო-ალტო-ადიჯეშ რეგიონიშ დო ტრენტოშ პროვინციაშ ადმინისტრაციული ცენტრი. XVI ოშწანურას თაქ იდვალუაფუდჷ ტრიდენიშ სხუნუ.
ნოღა
| შილა
|
გერბი
|
|
|
|
ტრენტო რეგიონიშ დო ოართეთ ოორუე იტალიაშ ართ-ართი თარი ოგონათუე, ომენცარე, ფინანსური დო პოლიტიკური ცენტრი რე. ტრენტოშ უნივერსიტეტი იტალიაშ პირველ 30 კოლეჯშა მიშმურს. ნოღას უღჷ შქა ოშწანურეეფიშ დო რენესანსული უსქვამაში ისტორიული ცენტრი, სოდე იდვალუაფუ ანდა ჯვეში დგჷმილი, სამანგათ ტრენტოშ კათედრალი დო ბუონკონსილოშ ჯიხაზურგა.
თეხანური ტრენტო კოსმოპოლიტური ნოღა რე, მაღალგოვითარაფილი სოციალური სერვისეფით. ნოღას შხირას გეთმიოდვანა ოსადიე პოზიციეფს იტალიაშ არძაშე მაღალი ხარსიხიშ რინაშ 103 ნოღას შქას.[1] თეწკჷმა ართო ტრენტო დო თიში პროვინცია იტალიას ართ-ართი არძაშე დინდარი დო გოპეულერი რე.[2]
