ტუკულტი-ნინურტა I
ტუკულტი-ნინურტა I — ასურეთიშ მაფა ჯვ. წ. 1243-1207 წანეფს, ოშქაშე ასურული პერიოდის. მაართა მაფა, ნამუთ მიშინუაფუდჷ ტიტულით "მაფეფიშ მაფა".
| ტუკულტი-ნინურტა I | |
 | |
| ასურეთიშ მაფა | |
|---|---|
| პოსტის გერინაშ ბორჯი | |
| ჯვ. წ. 1243 – ჯვ. წ. 1207 | |
| წიმოხონი | სალმანასარ I |
| მონძე | აშურ-ნადინ-აპლი |
| მუმა | სალმანასარ I |
| სქუალეფი | აშურ-ნადინ-აპლი ენლილ-კუდური-უსური |
ტუკულტი-ნინურტა I-ქ, ნიჰრიაშ ლჷმას კონწარო დამარცხჷ ხეთეფი დო ქიდეკინჷ ანატოლიაშ დო ლევანტიშ შანულამი ნორთეფი. ტუკულტი-ნინურტა ეფექტურო აკონტროლენდჷ ურარტუს ხოლო. უკულიანი პერიოდის, მანწყუ ოურდუმე კამპანია ბაბილონეთიშ კასიტი მაფა კაშტილიაშ IV-შ მეხჷ, ორჯგინჷ თის, ოჭოფუ დო ასურეთიშა გეგნახორუ. ტუკულტი-ნინურტაქ გეჭოფუ ბაბილონი დო დუდი ბაბილონეთიშ მაფათ გეგმაცხადჷ. ბაბილონეთიშ დამარცხებაშ უკულ, ტუკულტი-ნინურტაქ არაბეთიშ ჩქონიშა გემშეჭკირჷ დო ქიდეკინჷ დილმუნი დო მელუხა.
ტუკულტი-ნინურტა უბადოთ ოქცუდჷ მუში ოპონენტეფს. მუჟამსჷთ ბაბილონარეფქ ეარყესინჷ, თიქ ბაბილონიშა გემშართჷ, გორჩუ ნოღა დო მოჯალაგუ ოხვამეეფი. ტუკულტი-ნინურტაქ ეიოგჷ ახალი ნანანოღა კარ-ტუკულტი-ნინურტა, სოდეთ ტუკულტი-ნინურტა მუში არჸებული სქუალეფქ დოჸვილეს, დოხოლაფირო ჯვ. წ. 1207 წანას. თიშ უკულ ასურეთიშ ომაფე ხვისტაშა ეშართჷ აშურ-ნადინ-აპლიქ.