უედელიშ ზუღა

უედელიშ ზუღა — ელახიანი ზუღა ობჟათეშ ოკიანეს, ანტარქტიდაშ ჩქონიშ (ბჟადალშე) დო კოტსიშ დიხაშ (ბჟაეიოლშე) შქას. ფართობი 2,8 მილიონი კმ², ოშქაშე სიტომბა 3000 მ, მაქსიმალური - 6820 მ. ზუღაშ ობჟთე წყარპიჯი წჷმარინუანს ფილხნერ-რონეშ შელფური ჯიშთიშ კირდეს. ობჟათე დო ობჟათე-ბჟადალი წყარმერჩხე რე. ზუღაშ შანულამი ნორთი ნთელ წანაშ გოძვენას ფორილი რე მოდრეიფე ჸინეფით, ბრელი რე აისბერგი. ართჸურე, ზუღა წჷმარინუანს არგენტინა-ბრიტანეთიშ შქას ოდებელი ტერიტორიას, მაჟირაჸურე თე ტერიტორიაშე ჩილეს ხოლო უღუ პრეტენზია. უედელიშ ზუღას მიოგორუ ჯეიმზ უედელიშ ინგლისურ ექსპედიციაქ 1823 წანას, დო თეიშახ ზუღას გეორგ IV-აშ ჯოხო უღუდუ. უედელიშ ჯოხოქ გიადჷ 1930 წანას.

უედელიშ ზუღა
უედელიშ ზუღაშ ორენი
ზოგადი ინფორმაცია
ოკიანეშ ღანჩო	ობჟათეშ ოკიანე
ტიპი	ელახიანი ზუღა
ფართობი	2,8 მლნ. კმ²
ოშქაშე სიტომბა	3000 მ
უდიდაში სიტომბა	6820 მ
რუკა	Antarctic-seas-ka.jpg
რუკაშ ზჷმა	270პქ
რუკაშ მიკნაჭარა	უედელიშ ზუღაშ ორენი ანტარქტიდაშ რუკაშ ფონს
უედელიშ ზუღაშ ორენი ანტარქტიდაშ რუკაშ ფონს

რესურსეფი ინტერნეტის

• უედელიშ ზუღა (ინგლისური) — სტატია ენციკლოპედია ბრიტანიკაშე