უილიამ როუენ ჰამილტონი
უილიამ როუენ ჰამილტონი (ინგლ. Sir William Rowan Hamilton; დ. 4 მარაშინათუთა, 1805, დუბლინი, ირლანდია — ღ. 2 ეკენია, 1865, დუბლინი, ირლანდია) — ირლანდიარი მათემატიკოსი, ფიზიკოსი დო ასტრონომი. მიშეღჷ დიდი თია ოპტიკაშ, კლასიკური მექანიკაშ დო აბსტრაქტული ალგებრაშ გოვითარაფაშა. ჰამილტონიქ აკეთჷ ნიუტონიშ კანონეფიშ რეფორმულაცია, ნამუსჷთ ამდღა ჰამილტონურ მექანიკას უძახჷნა დო ნამუთ ამდღა რე ცენტრალური სტრუქტურა ელექტრომაგნეტიზმიშ დო კვანტური მექანიკაშ დარგეფს. წიმინდე მათემატიკას ჰამილტონი შინელი რე მუჭოთ კვატერნიონიშ დჷმარსხუაფალი. ჰამილტონიქ გიმირკვიუ გეომეტრიული ოპტიკა, გიმირინუ დინამიკური მეთოდეფი ოპტიკურ სისტემეფს, გიმირინუ კვატერნიონი დო ვექტორული მეთოდეფი შხვადოშხვა პრობლემეფიშ გინაჭყვიდალო მექანიკას დო გეომეტრიას. ღოზოვან ალგებრაშ დარგის ჰამილტონიქ, არტურ კეილიწკჷმა ართო წჷმარინუ კეილი-ჰამილტონიშ თეორემა. ჰამილტონიქ მიოგორუ ალგებრულ სტრუქტურას, ნამუთ იკოსიანეფიშ ჯოხოდვალათ რე შინელი.
| უილიამ როუენ ჰამილტონი | |
| ინგლ. William Rowan Hamilton | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 2, 1865 (60 წანერი) |
| ღურაშ აბანი: |
დუბლინი, ირლანდია |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: |
ტრინიტი-კოლეჯი (დუბლინი) |
| ომენცარე ხემანჯღვერი: | |
| ჯილდოეფი დო პრემიეფი: |
ომაფე მენდალი (1835) |
უილიამ როუენ ჰამილტონი გურაფულენდჷ დუბლინიშ ტრინიტი-კოლეჯის. რდჷ ტრინიტი-კოლეჯიშ ასტრონომიაშ პროფესორი, ირლანდიაშ ომაფე ასტრონომი დო დანსინკიშ ობსერვატორიაშ დირექტორი. ჰამილტონი რდჷ ამერიკაშ მენცარობეფიშ დო ხელუანობეფიშ აკადემიაშ დო ირლანდიაშ მენცარობეფიშ აკადემიაშ მაკათური. 1834 წანას ლონდონიშ ომაფე ჯარალუაქ ჰამილტონის გინოჩჷ ომაფე მენდალი. უილიამ როუენ ჰამილტონი რე შხვადოშხვა მენცარული ნაჭარეფიშ, პუბლიკაციეფიშ დო წინგეფიშ ავტორი.
გიშნაგორა პუბლიკაციეფი
რედაქტირაფა- Hamilton, Sir W.R. (1853), Lectures on Quaternions Dublin: Hodges and Smith
- Hamilton, Sir W.R., Hamilton, W.E. (ed) (1866), Elements of Quaternions London: Longmans, Green, & Co.
- Hamilton, W.R. (1833), Introductory Lecture on Astronomy Dublin University Review and Quarterly Magazine Vol. I, Trinity College Dublin
- Sir William Rowan Hamilton (1805-1865): Mathematical Papers
რესურსეფი ინტერნეტის
რედაქტირაფა- ბიოგრაფიული ფაქტეფი Archived 2009-03-11 ვებ-ხასჷლას Wayback Machine.
- ჰამილტონიშ ინსტიტუტი