უილიამ ტომსონი
უილიამ ტომსონი, ბარონი კელვინი (ინგლ. William Thomson, 1st Baron Kelvin; დ. 26 მანგი, 1824, ბელფასტი, ირლანდია — ღ. 17 ქირსეთუთა, 1907, ლარგსი, აირშირი, შოტლანდია) — ბრიტანალი ფიზიკოსი, მათემატიკოსი დო ინჟინერი. დებადჷ ბელფასტის, გურაფულენდჷ გლაზგოშ უნივერსიტეტის დო კემბრიჯიშ პიტერჰაუსიშ კოლეჯის. ტომსონი რდჷ გლაზგოშ უნივერსიტეტიშ ორთაშობური ფილოსოფიაშ პროფესორი 53 წანას. უილიამ ტომსონქ დიდი თია მიშეღჷ ელექტრობაშ მათემატიკური ანალიზიშ მენცარულ რკვიებაშა დო თერმოდინამიკაშ მაართა დო მაჟირა კანონეფიშ ფორმულაციაშა. ტომსონიშ ჯოხონობაშ რე თერმოდინამიკური ტემპერატურაშ ოზიმალი ართული კელვინი დო ჯოულ-ტომსონიშ ეფექტი. უილიამ ტომსონი, მუჭოთ ინჟინერი დო გჷმმაგონებელი მოღალენდჷ ელექტრონული ტელეგრაფიაშ დარგის ხოლო. ტრანსატლანტიკური ტელეგრაფიშ პროექტიშ გოვითარაფაშა მიშაღალირი თიაშ გეშა, ტომსონს რაინდიშ ტიტული გინოჩჷ დიაფალი ვიქტორიაქ, 1866 წანას. 1892 წანას ტომსონს გინოჩეს კელვინიშ ბარონიშ ტიტული. (კელვინი რე წყარმალუ, ნამუთ გიშმურს გლაზგოშ უნივერსიტეტიშ ლაბორატორიაშ გოხოლუას). 1904-1907 წანეფს ტომსონი რდჷ გლაზგოშ უნივერსიტეტიშ კანცლერი დო 1890-1895 წანეფს ლონდონიშ ომაფე ჯარალუაშ პრეზიდენტი.
| უილიამ ტომსონი | |
| ინგლ. William Thomson | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 17, 1907 (83 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
სმიტიშ პრემია (1845) |
| ხეშმოჭარუა: |
|
რესურსეფი ინტერნეტის რედაქტირაფა
- უილიამ ტომსონი - ნახანდეფი პროექტ „გუტენბერგის“
- Heroes of the Telegraph at The Online Books Page
- William Thomson: king of Victorian physics at Institute of Physics website
- Quotations. This collection includes sources for many quotes.