ულსანი (კორ. 울산?, 蔚山?) — ნოღა-მეტროპოლია , ობჟათე კორეას, კორეაშ ჩქონიშ ობჟათე-ბჟაეიოლ ნორთის, იდვალუაფჷ იაპონიაშ ზუღაშ წყარპიჯის, წყარმალუ თეჰვაგანიშ ინაკათაფუს, ნოღა პუსანიშ ოორუეშე 70 კილომეტრიშ მეძენას. ქიანაშ უშხუაში ოხერეჭე ნოღა, ნამუთ ჩინებული რე მუჭოთ „ობჟათე კორეაშ რესპუბლიკაშ ეკონომიკური ნანანოღა“[1] ვარ-და „ობჟათე კორეაშ რესპუბიკაშ ხერეჭუაშ ნანანოღა“[2]. ნოღაშ ოფიციალური ჯოხოდვალა კორეულო — ნოღა-მეტროპოლია ულსანი (კორ. 울산광역시?, 蔚山廣域市? ულსან კვანიოქსი). გეოგრაფიული კოორდინატეფი:
35.55,129.31666735°33′00″ ოორ. გ. 129°19′00″ ელ. გ. / . კინოხ ნოღა რდჷ ვერშაპიშ ხერეჭუაშ კორეული ცენტრი, 2005 წანაშ მანგის, ულსანს იმანჯჷ ვერშაპიშ ხერეჭუაშ ოერეფოშქაშე კომისიაშ ხუნაქ. 2015 წანას, ნოღა პუსანწკჷმა ართო 2028 წანაშ ოლიმპიური ლაჸაფეფიშ მანჯაფაშ პრეტენდენტო რდჷ გჷმოცხადაფილი.
ნოღა ჩინებული რე მუში ოქინაფუეფით. თაქ იდვალუაფჷ ქიანაშ უკაბეტაში პარკი — „ულსანიშ კაბეტი პარკი“ დო მოსოფელიშ არძაშე უდიდაში ნიშაკაგაფუ — „ჰიონდე ჰევი ინდასთრიზ“. ნოღაშ ცენტრის იდვალუაფჷ ჩინებული მონუმენტი „ხერეჭუაშ ყორში“ — ქიანაშ ხერეჭუაშ დო ნოღაშ სიმბოლო.
