უოლტერ მონდეილი
უოლტერ ფრედერიკ "ფრიც" მონდეილი (ინგლ. Walter Frederick "Fritz" Mondale, დ. 5 ღურთუთა, 1928 — ღ. 19 პირელი, 2021) — ამერიკალი იურისტი დო პოლიტიკოსი, ააშ-იშ ვიცე-პრეზიდენტი ჯიმი კარტერიშ ადმინისტრაციას, 1977-1981 წანეფს. რდჷ ააშ-იშ სენატიშ მაკათური 1964-1976 წანეფს დო ააშ-იშ პრეზიდენტობაშ კანდიდატი დემოკრატიული პარტიაშე 1984 წანაშ საპრეზიდენტო გიშაგორუეფს.
| უოლტერ მონდეილი Walter Mondale | ||
 ოფიციალური პორტრეტი, 1977 წ. | ||
| ააშ-იშ 42-ა ვიცე-პრეზიდენტი | ||
|---|---|---|
| პოსტის გერინაშ ბორჯი | ||
| 20 ღურთუთა, 1977 – 20 ღურთუთა, 1981 | ||
| პრეზიდენტი | ჯიმი კარტერი | |
| წიმოხონი | ნელსონ როკფელერი | |
| მონძე | ჯორჯ ჰ. უ. ბუში | |
ააშ-იშ 24-ა ელჩი იაპონიას | ||
| პოსტის გერინაშ ბორჯი | ||
| 21 ეკენია, 1993 – 15 ქირსეთუთა, 1996 | ||
| პრეზიდენტი | ბილ კლინტონი | |
| წიმოხონი | მაიკლ არმაკოსტი | |
| მონძე | ტომ ფოლი | |
| პოსტის გერინაშ ბორჯი | ||
| 30 ქირსეთუთა, 1964 – 30 ქირსეთუთა, 1976 | ||
| წიმოხონი | ჰუბერტ ჰამფრი | |
| მონძე | უენდელ ანდერსონი | |
| პოსტის გერინაშ ბორჯი | ||
| 4 მესი, 1960 – 30 გერგობათუთა, 1964 | ||
| წიმოხონი | მაილზ ლორდი | |
| მონძე | რობერტ უილიამ მეტსონი | |
| დუნაბადი | 5 ღურთუთა, 1928 სეილონი, მინესოტა, ააშ | |
| ნაღურა | პირელი 19, 2021 (93 წანერი) მინეაპოლისი, მინესოტა, ააშ | |
| მენოღალობა |  ააშ | |
| ერუანობა | ამერიკალი | |
| პოლიტიკური პარტია | დემოკრატიული პარტია | |
| მუმა | თეოდორ ზიგვაარდ მონდეილი | |
| ნანა | კლერიბელ ჰოუპ კოუენი | |
| ალმასქუ | ჯოან ადამსი | |
| სქუალეფი | ტედი, ელინორი, უილიამი | |
| გონათაფა | მინესოტაშ უნივერსიტეტი | |
| საქვარუა | იურისტი, პოლიტიკოსი | |
| ხეშმოჭარუა |  | |
მონდეილი გურაფულენდჷ მინესოტაშ უნივერსიტეტიშ, სოდეთ მიპალუ სამართალიშ ბაკალავრიშ ხარისხი. 1960-1964 წანეფს მუშენდჷ მინესოტაშ გენერალურ-პროკურორო. 1966 წანას გიშაგორილქ იჸუ სენატიშ მაკათურო. გიშაგორუეფს კინ გომორძგუ 1972 წანას. 1976 წანას, ჯიმი კარტერქ, ნამუთ ამერიკაშ პრეზიდენტობაშ კანდიდატი რდჷ დემოკრატიული პარტიაშე, ვიცე-პრეზიდენტო მონდეილი ქიდეკინჷ. 1976 წანაშ საპრეზიდენტო გიშაგორუეფს კარტერქ ორჯგინჷ ჯერალდ ფორდის, დო ააშ-იშ 39-ა პრეზიდენტო გინირთჷ. მონდეილიქ კაბეტი როლი არსულჷ ეგვიპტეშ პრეზიდენტი ანვარ სადათიწკჷმა დო ისრაელიშ პრემიერი მენახემ ბეგინიწკჷმა ოთინჩალე მორაგადაფეფს დო 1978 წანაშ კემპ-დევიდიშ ხეკულუაშ დოდვალას.
კარტერი-მონდეილიშ ადმინისტრაციაშ ბორჯის, ამერიკას, ეკონომიკაქ გეუფრაშჷ. 1980 წანას საპრეზიდენტო გიშაგორუეფს კარტერქ წაგუ რონალდ რეიგანიწკჷმა. 1984 წანას დემოკრატიული პარტიაშ პრაიმერიზის მონდეილიქ გემორძგუ, მარა 1984 წანაშ საპრეზიდენტო გჷშაგორუეფს რეიგანიწკჷმა დემარცხჷ.
1993 წანას ბილ კლინტონქ მონდეილი ქუდარინუ ამერიკაშ ელჩო იაპონიას. ჸათე პოსტის თინა 1996 წანაშახ ნინალენდჷ. პოლიტიკური კარიერაშ მეტებაშ უკულ, მონდეილიქ იურიდიული კარიერა გაგინძორჷ დო მუშენდჷ იურიდიული კომპანიას "Dorsey & Whitney"-ის. თაშნეშე, ლექციეფს კითხულენდჷ მინესოტაშ უნივერსიტეტის. 2010 წანას გიშართჷ მონდეილიშ მემუარეფქ "ჯგირი ლჷმა: რინა ლიბერალური პოლიტიკას".