უჩა ზესქვი

უჩა ზესქვი (ლათ. Turdus merula) — მაფურინჯე ბაღჷრეშობურეფიშ რანწკიშე.

უჩა ზესქვი

ჟინომაფე:	ევკარიოტეფი
ომაფე:	ჩხოლარეფი
ტიპი:	ქორდამეფი
კლასი:	მაფურინჯეეფი
რანწკი:	ბაღჷრეშობურეფი
ფანია:	ზესქვიშობურეფი
გვარი:	ზესქვეფი
ბუნა:	უჩა ზესქვი

ლათინური ჯოხო

Turdus merula

თხილუაშ სტატუსი

არძოშე ნორკებუ საფრთხეშ თუდო
IUCN 3.1 Least Concern : 103888106

სისტემატიკა
ვიკინერობეფს

სურათეფი
ვიკიოწკარუეს

ITIS 179757

NCBI 9187

ეჭარუა

ღურჭული

რდილი მაფურინჯეშ რსხულიშ სიგჷნძა რე 26 სმ, წონა — 80-125 გ. მუმულეფს უმოსი რუმე უჩა ბურდღეფი უღჷ, ნინძგი დო თოლიშ ელმოლი მადვალი რგვალი ორქოშფერი რე. დადულეფი დო მარდუეფი შქირუ ფერიშ რენა, კუდელი რუმე უღჷნა, კინჩხი დო ქვარა ღილე. უჩა ზესქვი სქვამას მაღურჭულე მაფურინჯე რე. თიში ორსანტული, მარა უმენტაშო გურხაშილი (მაჯაბუ, ნარღამი) რშვინი ადამიერშა დჷმორჩქალეთ ქიმინჯენს.

გოფაჩუა

უჩა ზესქვი ართ-ართი არძაშე უმოსო გოფაჩილი მაფურინჯე რე მოსოფელს. ხე ევროპას, ოორუე აფრიკაშ მუსხირენ ქიანას (მაროკო, ალჟირი, ტუნისი), კავკაციას, მორჩილ დო შქა აზიას, ავსტრალიას დო ახალ ზელანდიას, თარო ტყალეფს, ჸუდენა ადამიერეფწკჷმა არხოსჷთ.

Turdus merula merula

საქორთუო

საქორთუოს ფართა სრე გოფაჩილი კავკაციური უჩა ზესქვი.

გითოზოთუა

უჩა ზესქვი ჯინჯიერი მოხვენი რე. მიგრაცია ვახასიათენს.

გომიარაფა

წანაშ გოძვენას უჩა ზესქვი ართშა, მინ ჟირშა იკუხუანს. ონდეთ ინოკინელი ოგვაჯეს 4-7 მარქვალს სქჷნს, მართვეეფიშ მუნოჸონაფას 15 დღა-სერი ოკო.

ოჩამური

უჩა ზესქვი მაშქურანჯე, ალა-ჩალათ მაფურჷნე სუალამი რე, ღილე აბანეფს დუდს არიდენს დო ბორჯის უმენტაშო ბართვეფს ოჭკომალიშ — ღვენწკეფიშ, ფერწოეფიშ, ჭანდეფიშ დო კანკარიშ გორუას ქაკო.

ლიტერატურა

თარგი:წიგნი
Бёме Р. Л., Динец В. Л., Флинт В. Е., Черенков А. Е. Птицы. Энциклопедия природы России (под общей ред. В. Е. Флинта). Изд. 2-е, дополненное и переработанное. — М.: 1998. — 432 с.; 56 цв. илл.
Рябицев В. К. Птицы Урала, Приуралья и Западной Сибири. Екатеринбург: Изд-во Урал. Ун-та. 2008. — 634 с.
Степанян Л. С. Конспект орнитологической фауны России и сопредельных территорий М.: Академкнига, 2003, 808 с.
Коблик Е. А. Разнообразие птиц (по материалам экспозиции Зоологического музея МГУ), ч. 4. М.: изд-во МГУ. 2001. 384 с.