ფერნან ბროდელი
ფერნან ბროდელი (ფრანგ. Fernand Braudel; დ. 24 მარაშინათუთა, 1902, ლიუმევილ-ან-ორნუა, მეზი, საფრანგეთი — ღ. 27 გერგობათუთა, 1985, კლიუზი, ჟინი სავოია, საფრანგეთი) — ფრანგი ისტორიკოსი, ანალეფიშ სკოლაშ ლიდერი დო მოსოფელიშ სისტემური თეორიაშ ართ-ართი წიმოხონი წჷმმარინაფალი. ბროდელიშ არძაშე უმოსო შანულამი ნახანდეფი რე: "სქირონაშქა ზუღაშპიჯეთი დო სქირონაშქა ზუღაშპიჯეთიშ მოსოფელი ფილიპი II-შ ეპოქას", "ცივილიზაცია დო კაპიტალიზმი XV-XVIII ოშწანურეფს" დო "საფრანგეთიშ იდენტობა", ნამუშ თებაქჷთ ვაჭიშუ.
| ფერნან ბროდელი | |
| ფრანგ. Fernand Braudel | |
.jpg) | |
| დაბადებაშ თარიღი: | |
|---|---|
| დაბადებაშ აბანი: |
ლიუმევილ-ან-ორნუა, მეზი, საფრანგეთი |
| ღურაშ თარიღი: |
გერგობათუთა 27, 1985 (83 წანერი) |
| ღურაშ აბანი: |
კლიუზი, ჟინი სავოია, საფრანგეთი |
| მენოღალობა: | |
| ომენცარე სფერო: | |
| სამუშაშ აბანი : |
კოლეჯ დე ფრანსი |
| ალმა-მატერი: | |
| ჯილდოეფი დო პრემიეფი: |
|
ფერნან ბროდელი გურაფულენდჷ პარიზიშ უნივერსიტეტის. გურაფაშ თებაშ უკული მუშენდჷ შხვადოშხვა ომენცარე ინსტიტუტეფს. 1923-1932 წანეფს ოგურუანდჷ ალჟირიშ უნივერსიტეტის. ჸათე პერიოდის დეინტერესჷ სქირონაშქა ზუღაშპიჯეთით დო თიში ისტორიათ. ბროდელი 1934-1937 წანეფს მუშენდჷ სან-პაულუშ უნივერსიტეტის. 1937 წანას ბროდელიქ საფრანგეთიშა დირთჷ. საფრანგეთის ბროდელიქ იმუშუ კოლეჯ დე ფრანსის, პარიზიშ პოლიტიკური რკვიებეფიშ ინსტიტუტის დო სოციალური მენცარობეფიშ უმაღალაში სკოლას.
1939-1940 წანეფს ბროდელი მონაწილენდჷ მაჟირა მოსოფელიშ ლჷმას, სოდეთ მალას გერმანალეფქ ოჭოფეს დო გეგნიონეს მაინციშა დო ჯიხას ქუდახუნეს. ჸათე პერიოდის ისტორიული წყუეფიშ დო დოკუმენტეფიშ უმუშო ბროდელი ჭარუნდჷ მუში ართ-ართი უდიდაშ დო მონუმენტურ ნახანდის სქირონაშქა ზუღაშპიჯეთი დო სქირონაშქა ზუღაშპიჯეთიშ მოსოფელი ფილიპი II-შ ეპოქას, ნამუთ რდჷ დისერტაციაშ თემა 1947 წანას დო ნამუქჷთ წინგო 1949 წანას გიშართჷ.
ფერნან ბროდელი ლუსიენ ფევრი დო მარკ ბლოკიწკჷმა ართო რდჷ ანალეფიშ სკოლაშ ართ-ართი გოლინიანი წჷმმარინაფალი.
რესურსეფი ინტერნეტის რედაქტირაფა
- Professor David Moon, "Fernand Braudel and the Annales School" (lecture 2005)
- Braudel, Colonialism and the Rise of the West Archived 2013-10-20 ვებ-ხასჷლას Wayback Machine.
- Fernand Braudel:Mediterranean studies:Annales school
- Fernand Braudel Center
- Instituto Fernand Braudel de Economia Mundial
- Annales School, Fernand Braudel bio