ფერნეტი
ფერნეტი (Fernet) — წარე ოდიარეშ ლიქიორი (ბიტტერი), მუჭოთ წესი, იტალიური წჷმოულობაშ (ამარო). თიშ აკოდგინალუაშა მიშმურს სპირტის დოდგინელი ოდიარეეფი — ზაფრანა, გვერელე, კარდამონი, რევანდი, ალოე დო შხვ. შუნა ოჭკომალიშ ჭკომუაშ უკული, კანკალეშა მუჭოთ ყავაშ გეძინაფონო. სიმანგარე 45%-შახ.
ფერნეტი გიშაკერზაფილო პოპულარული რე არგენტინას, სოდე იწრანას გიშმაშკვანა 25 მილიონ ლიტრი ოშუმალს. ანდა არგენტინარი ფერნეტის კოკა-კოლას მინმუძინანს. ფერნეტიშ გოთანჯუაშ გიმე მიარზებუ გეჸვენჯი ოშუმალეფი:
- ფერნეტი ბრანკა (მილანი, იტალია);
- შტოკიშ ფერნეტი (ტრიესტი, იტალია დო პლზენ-ბოჟკოვი, ჩეხეთი);
- ბეხეროვკა (კარლოვი-ვარი, ჩეხეთი);
- ჯვეში დანიური დო რიგაშ უჩა ლიქიორეფი.