მუსტაფა ქემალ ათათურქი

მუსტაფა ქემალ ათათურქი 1934 წანაშახ მუსტაფა ქემალი (დ. 1881, სალონიკი — ღ. 10 გერგობათუთა, 1938, სტამბოლი) — თურქეთიშ არმიაშ ოფიცერი დო რევოლუციონერი სახენწჷფო მოღალე, თურქეთიშ რესპუბლიკაშ დჷმარსხუაფალი დო თიში მაართა პრეზიდენტი. მუსტაფა ქემალქ უცმას გემიშეღჷ დუდი მუჭოთ წჷმოძინელ ოურდუმე მადუდექ, გალიპოლიშ ტროგებას დივიზიონიშ მადუდეთ ნინალაშ გოძვენას. ოსმანეფიშ იმპერიაშ მორსხუეფიშით მარცხებაშ უკული, ნამუსჷთ თურქეთიშ დორთუალაშ გეგმაქ მაჸუნუნ, ქემალქ წჷმი უნჯღვერუ თურქეფიშ ნაციონალურ ყარაფის, ნამუსჷთ უკული თურქეფიშ ლჷმაქ ზოხორინალაშო გიადჷ. თიშ წჷმოძინელ კამპანიაშ შედეგო ქიანაშ გოდუდიშულაფა დო თურქეთიშ რესპუბლიკაშ გჷმოქიმინუაქ მაჸუნჷ. მუჭოთ რესპუბლიკაშ მაართა პრეზიდენტიქ, მუსტაფა ქემალქ გემიშეღჷ ნთელ რანწკი შორს გოღანკილ რეფორმეფიშ სერია, ნამუშ ღანკი თეხანური დო დემოკრატიული სახენწჷფოშ გჷმოქიმინუა რდჷ. ოფანიე გვარეფიშ კანონიშ მეჯინათ, თურქეთიშ ერუანულ შაყარუაქ მუსტაფა ქემალს 1934 წანაშ 24 გერგობათუთას „ათათურქიშ“ (თურქეფიშ მუმა) გვარი მეჩჷ.

ქემალ ათათურქი
თურქეთიშ 1-ა პრეზიდენტი
პოსტის გერინაშ ბორჯი
29 გჷმათუთა 1923 – 10 გერგობათუთა 1938
მონძე	ისმეთ ინენიუ
დუნაბადი	1881 სალონიკი ოსმალეთიშ იმპერია
ნაღურა	10 გერგობათუთა 1938 (57 წანერი) დოლმაბაღჩეშ დოხორე, სტამბოლი  თურქეთი
ღურაშ ბაძაძი	ციროზი
მენოღალობა	თურქეთი
ერუანობა	თურქი
პოლიტიკური პარტია	ორპ
ალმასქუ	ლატიფე უშაკლიგილი
რელიგია	მუსლიმი სუნიზმი
ხეშმოჭარუა

თაშნეშე ქოძირით

• ქემალიზმი

რესურსეფი ინტერნეტის

• Ataturk.net — ათათურქიშო მენძღვარებული საიტი
• თიშ ბიოგრაფია დო რეფორმეფი Archived 2006-02-15 ვებ-ხასჷლას Wayback Machine.
• ციტატეფი ათათურქიშ ზიტყვეფშე Archived 2006-04-09 ვებ-ხასჷლას Wayback Machine.
• ათათურქიშ გალერეა კულტურაშ სამინისტროს, თურქეთიშ რესპუბლიკა
• თურქეფიშ მუმა