შეფქევზა სულთანი

შეფქევზა სულთანი (ფუთი, 12 ქირსეთუთა, 1820 - ჩირაღანიშ დოხორე, ორთაქოი, სტამბოლი, 17 ეკენია, 1889) — რდჷ ოსმალეთიშ სულთან აბდულმეჯიდ I-შ ჩილი დო მუნეფიშ სქიშ, მურად V ვალიდე სულთანი. თახმი ჯოხო გიოძუდჷ ვილმა. უჩინებჷ რე სამარგალოშე ოსმალეთშა ულაშ ისტორია. აბდულემჯიდ I-წკჷმა აშუ ჟირ ბაღანაქ: 1840 წანაშ 21 ეკენიას უნჩაშიქ, შეჰზადე მურადიქ დო 1842 წანაშ 21 გჷმათუთას უკულაშიქ, ალიე სულთანქ.

შეფქევზა სულთანი
დაბადებაშ თარიღი:	12 ქირსეთუთა, 1820
დაბადებაშ აბანი:	ფუთი, საქორთუო
ღურაშ თარიღი:	17 ეკენია, 1889
ღურაშ აბანი:	ჩირაღანიშ დოხორე, ორთაქოი, სტამბოლი
ერუანობა:	ქორთუ

1876 წანაშე სუმ წანაშ მალობას რდეს ოსმალეთიშ იმპერიაშ ვალიდე სულთანი, ნამუთ თიწკჷმა ანდღანერი თურქეთიშ ტერიტორიას დო შქა აზიაშ, ბალკანეთიშ დო ოორუე აფრიკაშ ნორთის ფორუნდჷ. ვალიდე სულთანი რდჷ ოსმალეთიშ იმპერიას ძალამი დიდი პოსტი დო უკებუდეს სულთანიშ დიდალეფს. სულთანიშ უკულ ქიანაშ პოლიტიკურ რინას არძოშ უმოს დიდ გოლინა ვალიდე სულთანს, ანუ დიდა სულთანს უღუდჷ. შეფქევზაქ მუშ თარი მოხუჯური, დამათ ნური ფაშა მაზოჯალ ფაშათ გინაშქუ დო თე ჟირქ უკულ კონფისკაცია ქუღოლის სულთან აბდულ აზიზიშ დო თიშ დიდაშ, ჸოფირ ვალიდე სულთანიშ ნაშაყარა ორქოშ ფარა დო ხაჭუჭეფს, ნამუთ დოლმაბაჰჩეშ დოხორეშ ჰარამხანას რდჷ ჩუალირინ. შეფქევზაქ 1889 წანას დოღურჷ დო იენი ჯამიშ აკარდამას იჸუ დოსვანჯაფილქ.

რესურსეფი ინტერნეტის

• http://www.guide2womenleaders.com/womeninpower/Womeninpower1870.htm
• http://freepages.genealogy.rootsweb.ancestry.com/~royalty/turkey/i8.html#I8
• http://www.kultur.gov.tr/EN,31984/sultan-v-murad-han.html