ჩანდიგარჰი (შხვანერო ჩანდიგარი; ჰინ. चंडीगढ़; პენჯაბ. ਚੰਡੀਗੜ੍ਹ; ინგლ. Chandigarh) — ნოღა ინდოეთიშ ოორუეს (დოხოლაფირო 240 კმ-ს დელიშ ოორუეშე), ართბორჯულო ჟირი შტატიშ - პენჯაბიშ დო ჰარიანაშ ნანანოღა. თეწკჷმა ართო ჩანდიგარჰი თე შტატეფიშ ადმინისტრაციულ აკოდგინალუაშა ვემიშმურს, მორსხუე ტერიტორიაშ სტატუსი უღჷ, ბონო იმართუ ნიუ-დელიშე.
ჯოხოდვალა "ჩანდიგარჰი" გჷნითანგუაფუ მუჭოთ ფორტ ჩანდი. ჯოხოდვალა გჷნოღალირიე ჩანდი მანდირიშ ოხიდაშე, ნამუთ ნოღაშე 12 კმ-ს იდვალუაფუნ დო აკოგაფილიე ინდური ოსურღორონთიშ ჩანდიშ პატიოჩამალო. კანკალე შვანს ჩანდიგარჰი იშინუაფუ მუჭოთ სისქვამაშ ნოღა.
