ციურიხიშ ტობა

ციურიხიშ ტობა (გერმ. Zürichsee, ფრანგ. Lac de Zurich) — ტობა შვეიცარიას, გლარნიშ ალპეფიშ ოორუეშე, ზუღაშ დონეშე 409 მ სიმაღალას. ტობა იდვალუაფუ სანქტ-გალენიშ, შვიციშ დო ციურიხიშ კანტონეფიშ ტერიტორიას. ტობაშ ფართობი 88 კმ². მაქსიმალური სიგჷრძა — 40 კმ, სიგანა — 1 კმ-შე 4 კმ-შახ. ტობა მაგანაშობური ფორმაშ რე. ტობა დინორე ჯვეშჯიშთურ ქვიბილს. ტობაშ უდიდაში სიტომბა — 143 მ. ბჟაეიოლი ნორთის ინმაკათუ წყარმალუ ლინთი, ნამუთ გიშმურს ტობაშ ბჟადალი წყარპიჯიშე ნოღა ციურიხიშ რაიონს წყარმალუ ლიმატიშ ჯოხოთ.

ციურიხიშ ტობა
გერმ. Zürichsee; ფრანგ. Lac de Zurich
ციურიხიშ ტობა
კოორდინატეფი: 47.257778,8.64888947°15′28″ ოორ. გ. 8°38′56″ ელ. გ.
ორენი	შვეიცარია
სიმაღალა ზუღაშ დონეშე	409 მ
სიგჷრძა	40 კმ
სიგანა	1-4 კმ
ფართობი	88 კმ²
მაქსიმალური სიტომბა	143 მ
ციურიხიშ ტობა
თე თემაშე ვიკიოწკარუეს

ჯებერეფით გორთილი რე ჟირი ვაწორწი ნორთო. უჭიჭაში — ჟილენი ტობა (გერმ. Obersee) შვიციშ დო სანქტ-გალენიშ კანტონეფს შქას რე, გიმენი ტობა — (გერმ. Untersee) ედომუშამო დინორე ციურიხიშ კანტონიშ ტერიტორიას. ციურიხიშ ტობაშ გიმენი ნორთი გიშეგორუაფუ დიდი სიტომბათ. ტობაშ წყარპიჯეფიშ მანგას გოჸუნაფილი რე რკინიშარაშ ღოზი. ტობას 2 კოკი რე. ტობა სანიშოლი რე. ტობას გოვითარაფილი რე ჩხომჭოფუა. ტობაშ ოორუე-ბჟადალ წყარპიჯს იდვალუაფჷ ნოღა ციურიხი.

თაშნეშე ქოძირით

• შვეიცარიაშ ტობეფიშ ერკებული

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ციურიხიშ ტობა“ ვიკიოწკარუეს.
• ციურიხიშ ტობა (რუს.) — სტატია დიდი სხუნუეფიშ ენციკლოპედიაშე

• ციურიხიშ ტობა (ინგლისური) — სტატია ენციკლოპედია ბრიტანიკაშე